Uncategorized
Отворена изложба за Римската монетарница во Стоби

Во Музејот на Македонија денес беше отворена изложбата „MVNICIPIVM STOBENSIVM – Римската монетарница во Стоби“. Со изложбата за прв пат пред македонската јавност се презентираат оригинални монети од времето на единаесет римски императори
На изложбата се презентирани 176 монети исковани во периодот од 73 година во новата ера, кога монетарницата почнала со своите активности, до 217 година, кога нејзината активност во потполност замрела. Станува збор за единствената монетарница од римско време на територијата на денешна Република Македонија.Автор на концепцијата за изложбата и на текстот за каталогот е м-р Перо Јосифовски, нумизматичар, кој на отворањето го дефинираше концептот на изложбата.„Сакавме граѓаните да се соочат со еден друг тип циркулација на парите од пред 2000 години, кој е сосема поразличен од денешниот. Но, сакавме да научат нешто повеќе и за историјата на најзначајниот римски град, не само во Македонија, туку и пошироко,Стоби е единствениот муниципиум во кој граѓани ги поседувале истите права како и граѓаните кои живееле во градот Рим. Тоа било вистинска реткост сè до 212 година. Токму на монетите кои се изложени било исковано името на градот Стоби – MVNICIPIVM STOBENSIVM.Тоа што ние можеме да дознаеме од монетите во Стоби се монетарната историја од тој период на Македонија, да создадеме слика за тоа што било во мода, што сакале издавачите на парите да пласират како пропаганда, со што биле преокупирани жителите на Стоби во секојдневниот живот.Во презентацијата на монетите одев на варијанти со богато илустриран материјал, со реконструкции на калапи, со реконструкции во релјеф и во бронза, да ги доловам и претставите и изгледот на монетите пред публиката. Оној што ќе прошета покрај експонатите за кратко време ќе се запознае со сите детали на единствената монетарница од римско време.Претставите на монетите даваат можност за проучување на работите од различни аспекти. Се надевам дека и другите проучувачи, а не само нумизматичарите, ќе извлечат корист од оваа изложба“ – изјави Перо Јосифовски.Изложените бронзени монети се дел од колекцијата на Музејот на Македонија, како и од приватната колекција на Часлав Кузмановиќ, колекционер на монети кои се пронајдени во Стоби. Изложбата ја отвори aкадемик Вера Битракова Грозданова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
АХВ се вклучи во одбележувањето на 16 Октомври – Светскиот ден на храната

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.