Uncategorized
Иницијатива за американско повлекување од Ирак во 2008 година
![](https://makfax.com.mk/wp-content/uploads/2016/11/94daa7e8-0201-42b9-ac67-39e956356b0a.jpeg)
Демократите во Претставничкиот дом на американскиот Конгрес ќе побараат повлекување на американските војници од Ирак до есента 2008 година.
Демократите во Претставничкиот дом на американскиот Конгрес ќе побараат повлекување на американските војници од Ирак до есента 2008 година.
Иницијатор на оваа законска иницијатива е Ненси Пелоси, која ја предводи мнозинската демократска фракција во Конгресот.
Според нејзиниот план, американските војници би требало да започнат да се повлекуваат од Ирак на 31 март следната година, а евентуално претходно повлекување би зависело од подготвеноста на ирачката војска и полиција да ја преземат одговорноста за безбедноста на својата земја.
Иницијативата на Пелоси ќе биде поднесена во вид на амандман на американскиот воен буџет, односно дополнителните 100 милијарди долари демократите сакаат да ги пренасочат од Ирак во Авганистан, односно во американската борба против тероризмот.
Нејзиниот предлог предвидува мал број американски војници да останат во Ирак и по есента 2008 година, но нивната улога би била ограничена на чување на американските конзулати и другите објекти, обука на ирачките сили и евентуална противтерористичка акција.
Претседателот Џорџ Буш веќе најави дека доколку Конгресот го донесе тој закон, ќе стави вето.
За да се заобиколи ветото на претседателот потребно е за предлогот да гласаат две третини од конгресмените, но тоа на демократите тешко ќе им успее, со оглед на фактот што републиканците жестоко го нападнаа овој предлог.
/крај/фо/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Таравари: Објавен тендер за компресорите во хируршките сали, кои не работат
![](https://makfax.com.mk/wp-content/uploads/2024/04/taravari-2.jpg)
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.