Uncategorized
Полска за компромис но не и “капитулација“ за уставот на ЕУ

Полска е подготвена на компромис но не и “да се предаде“ во врска со нејзиното спротивставување на идниот систем на гласање во ЕУ според нацрт-предлогот на новиот европски устав.
Полска е подготвена на компромис но не и “да се предаде“ во врска со нејзиното спротивставување на идниот систем на гласање во ЕУ според нацрт-предлогот на новиот европски устав.
Ваква оценка даде полскиот премиер Јарослав Качински во интервју за шпанскиот и француски дневен весник “El Pais“ и "Le Monde".
Според него, алтернативниот систем на гласање што го предложи полската Влада наместо двојно мнозинство во гласачкиот систем сугериран во нацрт-предлогот, веќе претставува компромис бидејќи е “помалку добар“ за Полска споредбено со Договорот од Ница.
Договорот од Ница предвидува Полска да има речиси ист број на гласови како Германија која има двојно повеќе популација.
“Да се замени моделот на гласање со полоша ситуација за државите-членки на ЕУ претставува капитулација“, изјави Качински, додавајќи дека “капитулацијата никогаш не е компромис“.
Според системот на гласање во нацрт-предлогот, одлуките во 27 држави-членки треба да ги поддржат најмалку 55 проценти од нејзините членки односно барем 15 држави што претставува најмалку 65 проценти од целата популација на ЕУ.
Полска, од своја страна, предлага системот на гласање да се базира врз пресметка на квадратен корен од популацијата на секоја држава-членка што би им дало поголема моќ отколку системот на гласање во идниот устав.
Варшава, со овој систем, би имал шест гласа, а Берлин девет.
Полска е под силен притисок од Брисел и останатите држави-членки на Унијата да се откаже од своите забелешки за да продолжи подготовката на идниот Устав.
/крај/еу/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
АХВ се вклучи во одбележувањето на 16 Октомври – Светскиот ден на храната

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.