Uncategorized
Безвизниот режим на САД да важи за сите во ЕУ
![](https://makfax.com.mk/wp-content/uploads/2016/11/bd614ae5-38b0-4b28-a385-0b2ee44379de.jpeg)
Европската унија (ЕУ) не може веќе да толерира дискриминација врз граѓаните на некои нејзини нови членки кога е во прашање визниот режим на САД.
Европската унија (ЕУ) не може веќе да толерира дискриминација врз граѓаните на некои нејзини нови членки кога е во прашање визниот режим на САД.
Ова денеска во Будимпешта го изјави еврокомесарот за правда Франко Фратини, додавајќи дека разговарал со американски претставници за предлогот за стандардизација на програмата за безвизен режим што ќе се применува на сите членки во ЕУ.
Американскиот Конгрес “работи во правец на изработка на нов закон што ќе ги елиминира разликите и дискриминацијата на европските членки“, оценува Фратини.
“Не можеме веќе да толерираме третирање на државите од прв или втор ред, тоа е целосно неприфатливо“, изјави Фратини по состанокот со унгарскиот премиер Ференц Ѓурчањ.
Сегашниот американски визен режим им дозволува на граѓаните од повеќето западноевропски држави и уште некои земји во светот да влезат во САД без виза, но тоа право им го ускратува на новите членки на ЕУ.
Патувањето во САД без виза не значи дека посетителот може да остане во таа држава неограничено долго. По пристигнувањето на странските државјани во САД, имиграциониот службеник одобрува тримесечна виза, но може и да ја ускрати.
Прашањето на визниот режим е предмет на интензивни дипломатски разговори меѓу ЕУ и САД, а некои членки на НАТО од ЕУ се жалат дека поддршката на американските операции во Ирак и Авганистан не им овозможила да влезат на листата за безвизен режим.
/крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
„Вреди“: Историска инвестиција за општините, 15 милијарди денари за капитални проекти
![](https://makfax.com.mk/wp-content/uploads/2023/03/DSC_7280_1.jpg)
Со големо задоволство го најавуваме почетокот на постапката за објавување на вториот јавен повик за финансирање капитални проекти во нашите општини, со фонд од 15 милијарди денари. Оваа важна инвестиција има за цел значително да го подобри квалитетот на животот на граѓаните преку изградба на училишта, градинки, паркови, како и подобрување на водоводната и канализационата инфраструктура, велат од „коалицијата Вреди“.
Овој чекор според нив, е доказ за посветеноста на Владата на „Вреди“ за правичен развој и за справување со виталните потреби на општините, решавање на предизвиците со кои граѓаните се соочуваат со децении.
Ова, како што додаваат, е најголемата поддршка досега од централната власт за локалната самоуправа и за поправедно и поефикасно владеење на локално ниво.
На првиот јавен повик, појаснуваат од коалицијата, имаше 78 општини со 288 проекти вредни над 73 милиони евра, додека сега со овој втор повик општините ќе имаат можност да добијат уште повеќе инвестиции за нивниот развој.
Коалицијата нагласуваат, ќе продолжи да ги поддржува ваквите иницијативи кои носат конкретни подобрувања во животот на граѓаните и ги повикува сите општини да аплицираат за придобивки од овој историски фонд.
Uncategorized
Дел од Ѓорче Петров и Чаир без струја
![](https://makfax.com.mk/wp-content/uploads/2023/07/DSC_4799.jpg)
Од ЕВН Македонија АД известуваат дека без електрична енергија ќе останат:
-Од 09:00 до 11:00 часот, корисниците од објекти во круг на поранешен стопански објект на „Велурфлок“ во населба Хром(општина Ѓорче Перов);
– Од 09:00 до 13:00 часот, корисниците од ул. Алберт Станиќ, ул. Азем Хајдари, ул.Прохор Пчински (општина Чаир);
Uncategorized
Девојка избоде три лица во Софија, психијатриските клиники одбиваат да ја примат
![](https://makfax.com.mk/wp-content/uploads/2018/05/bugarija-policija.jpg)
Дваесет и двегодишна жена денеска избоде тројца мажи во парк во Софија, а еден од нив е во тешка состојба, јавија бугарските медиуми.
Девојката наводно е уапсена во меѓувреме.
Очевидци тврдат дека девојка со голем нож нападнала тројца минувачи во парк, пренесува бугарскиот портал „Новини“ додавајќи дека насекаде имало многу крв.
Наводно, мајката ѝ рекла на полицијата дека ќерка ѝ одбива да ги зема лековите што ѝ биле препишани и дека нејзината состојба нагло се влошила последните денови.
„БНТ њуз“ пренесува дека сите психијатриски клиники во моментот одбиваат да ја примат 22-годишната девојка поради недостиг на простор.