Uncategorized
Куба една година без Фидел Кастро на власт
Една година се навршува денеска откако кубанскиот лидер Фидел Кастро поради неразјаснета болест ги пренесе овластувањата на неговиот помлад брат Раул, а најавените реформи се уште се во зачеток.
Една година се навршува денеска откако кубанскиот лидер Фидел Кастро поради неразјаснета болест ги пренесе овластувањата на неговиот помлад брат Раул, а најавените реформи се уште се во зачеток.
Кастро, водачот на кубанската комунистичка револуција, не е појавен во јавноста, откако кубанската телевизија на 31 јули 2006 објави дека има стомачна болест и оти сите овластувања ги презема Раул Кастро.
Телевизијата повремено емитува снимки на кои Кастро е видно ослабен и најчесто во друштво на идеолошки блиски државници, со кои разговара во болничка соба на непозната локација.
Самиот Фидел Кастро неколку пати се обрати во јавноста преку писма во кои признава дека бил подложен на неколку операции и оти „лебдел помеѓу животот и смртта”.
Странски лекари сметаат дека Кастро боледува од дувертикулоза на дебелото црево. Единствениот странец што го прегледа Кастро, шпанскиот специјалист Хозе Луис Сабридо, ги отфрли хипотезите дека тој боледува од рак на дебелото црево. Според него, станува збор за „бенинген процес проследен со низа компликации”.
Здравјето на Фидел Кастро последните месеци е подобрено, а партискиот печат редовно објавува негови писма во кој тој ги толкува актуелните светски случувања. При тоа, најчесто се пресметува со вечниот непријател – Соединетите американски држави (САД).
Куба минатата недела за прв пат во последните 48 години го одбележа националниот празник без присуство на Фидел Кастро. Новина беше прагматизмот што во едночасовниот говор го покажа Раул Кастро.
Привремениот кубански лидер му понуди на Вашингтон „маслиново гранче во замена за укинување на апсурдната неплодна политика на санкции против Куба“. Раул Кастро, притоа, ја потенцираше и важноста од структурни реформи на комунистичкиот остров.
„Платите навистина се недоволни да го покријат потребите на народот”, призна Раул Кастро во говорот по повод одбележувањето на кубанската револуција.
/крај/х/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.