Uncategorized
Исламистички бунт во Узбекистан

Оружени исламски екстремисти ослободиле илјадници затвореници во источниот узбекистански град Андиџан при што во судирите со силите на редот се убиени најмалку десет лица, вклучувајќи војници и милиционери.
Оружени исламски екстремисти ослободиле илјадници затвореници во источниот узбекистански град Андиџан при што во судирите со силите на редот се убиени најмалку десет лица, вклучувајќи војници и милиционери.
Ова изутрината го јавија руските агенции, кои тврдат дека низ улиците на Адиџан владее хаос и оти по известувањето за оружен бунт, кон тој град утрово се упатил и узбекистанскиот претседател Ислам Камиров.
Истите извори додаваат дека во овој узбекистански град на повеќе локации се собрани исламисти кои бараат оставки на владата и претседателот на Узбекистан.
“Тука е војна“ ја пренесува агенцијата РИА Новости изјавата на жител на Андиџан.
Локалното население ги бојкотира митинзите.“Меѓу нас нема вахабити. Сакаме работа и демократија“, изјави жителка на Андиџан, кој се наоѓа околу 160 километри источно од престолнината Ташкент, блиску до границата со Киргистан.
“Бунтовниците ја зазедоа зградата на регионалната управа и добро чуваниот затвор, и никој не знае кој сега го контролира градот“, изјави портпаролот на Организацијата за човекови права Фајџахон Заинбидинов.
Тој соопшти дека се ослободени околу 2,000 затвореници и оти се запалени киното и театарот во Андиџан.
Узбекистанските медиуми јавија дека оружените групи веројатно се составени од исламски екстремисти, кои минатата ноќ ги нападнале полициските станици и касарните на узбекистанските оружени сили.
Очевидци изјавија дека војниците ги напуштиле позициите криејќи се на повеќе локации во градот, каде ноќта се слушале пукотници.
Руските агенции јавија за најмалку десет загинати во престрелките и за над 30 ранети што и утрината продолжиле во Андиџан, додавајќи оти меѓу загинатите има и војници и милиционери. /крај/бгнес/ег
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.