Uncategorized
Почна самитот на Советот на Европа во Варшава

Во Кралскиот дворец во Варшава денеска почна Третиот самит на Советот на Европа на кој претставници на 46 земји, меѓу кои 22 шефови на држави и 13 премиери во текот на наредните два дена ќе се обидат да дадат насоки за дејствување на оваа организација во иднина.
Во Кралскиот дворец во Варшава денеска почна Третиот самит на Советот на Европа на кој претставници на 46 земји, меѓу кои 22 шефови на држави и 13 премиери во текот на наредните два дена ќе се обидат да дадат насоки за дејствување на оваа организација во иднина.
За првпат во историјата на еден ваков состанок на врвот на најстарата политичка организација во Европа се собраа највисоки претставници на сите европски држави, освен Белорусија и претставници на пет земји посматрачи-САД, Мексико, Канада, Јапонија и Светата Столица.
Македонската делегација на самитот ја предводи претседателот Бранко Црвенковски, кој утре ќе има обраќање насловено како „Европска архитектура“.
Самитот се оддржува во три пленарни сесии на теми: Европско единство, европски вредности; „Предизвиците на европското општество“ и „Европска архитектура“.
Самитот треба да профилира два основни документи – Политичка декларација со која во основа се нагласува улогата на Судот за човекови права во Стразбур, како и Акционен план, со кој треба да бидат одредени насоките на идната соработка на Советот на Европа со ОБСЕ и со ЕУ.
Европските лидери треба да потпишат и конвенции за спречување на тероризмот, и против трговијата со луѓе, а се очекува да ја потпишат и ревидираната Конвенција за перењето пари стекнати со криминал и одземање и конфискација.
За време на Самитот, како што е официјално соопштено од Кабинетот на Црвенковски, македонскиот претседател треба да оствари билатерални средби со Генералниот секретар на Советот на Европа Тери Дејвис, со претседателот на Швајцарската конфедерација Самуел Шмид, со претседателот на Словачка Иван Гаспарович, со претседателот на Естонија Арнолд Рутел, со претседателот на Австрија Хајнц Фишер и со претседателот на Летонија Ваира Виек – Фреиберга./крај/хин/тт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
АХВ се вклучи во одбележувањето на 16 Октомври – Светскиот ден на храната

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.