Uncategorized
Швеѓаните најактивни во донесувањето одлуки во фирмите
Вработените во шведските претпријатија најмногу учествуваат во донесувањето на одлуките, додека полските претпријатија по тоа прашање се организирани „диктаторски“.
Вработените во шведските претпријатија најмногу учествуваат во донесувањето на одлуките, додека полските претпријатија по тоа прашање се организирани „диктаторски“.
Ова го покажуваат резултатите од истражувањето на Институтот за меѓународен менаџмент на Универзитетот во Линц, Австрија, каде што се опфатени претпријатија од Германија, Шведска, Финска, Чешка и Полска.
Вработените најмногу се вклучени во донесувањето одлуки во претпријатијата во Шведска. Експертите кои работеле на истражувањето тоа го објаснуваат со фактот дека во шведското општество, еднаквоста и праведноста спаѓаат во темелните вредности.
Во Финска и Германија учеството на соработниците при донесувањето на одлуките се остварува во инструментална смисла, односно поради остварување подобри резултати.
Испитувањето покажува дека „Финците работат мошне автономно и тие ја вклучуваат партиципатијата, тогаш кога има смисла“.
Претпријатијата во Полска се водат на начин, кој што е многу хиерархиски организиран, покажуваат резултатите од истражувањето каде што се наведува дека од вработените во полските претпријатија се бара стручно знаење, но не и нивно мислење.
Претставниците на менаџментот во чешките претпријатија покажуваат дека многу од нив се запознаени со западните концепти на менаџментот и оти многу се залагаат за учество на вработените во донесувањето на одлуките.
Но, според истражувањето, постои голем јаз меѓу теоријата и праксата во Чешка, затоа што однесувањето на водечките структури во однос на донесувањето на одлуките носи печат на диктатура.
/крај/хи/ам
Copyright 2007
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Таравари: Објавен тендер за компресорите во хируршките сали, кои не работат
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.