Стагнацијата на економијата на домашен план и како понатаму со Ирак и Иран беа доминантни теми последното годишно обраќање на американскиот претседател Џорџ Буш.

Стагнацијата на економијата на домашен план и како понатаму со Ирак и Иран беа доминантни теми последното годишно обраќање на американскиот претседател Џорџ Буш.

Како што јави „Гласот на Америка“, Буш го повика Конгресот да го усвои пакетот економски стимулации што Белата куќа деновиве го изготви во соработка со обете партии во Претставничкиот дом.

Уважувајќи дека многумина Американци се загрижени за забавениот економски растеж, Буш им порача да ја задржат довербата во долгорочната сила на стопанство.

Истовремено Буш од Конгресот побара да даде одобрение за продолжеток на програмата што и` овозможува на владата тајно да ја надгледува комуникацијата на Американци со лица осомничени за тероризам во странство, без претходен судски налог.

Американскиот претседател се осврна за одлуката да испрати дополнителни 30 илјади војници во Ирак.

„Некои можеби порекнуваат дека засилувањето даде резултати, но затоа меѓу терористите нема сомневање. Ал-Каида е во бегство во Ирак, и непријателот ќе биде поразен“, кажа првиот човек на САД.

Буш во голем дел од говорот се задржа и на проблемот на Блискиот исток, при што изрази надеж дека ќе биде постигнат израелско-палестински мировен договор.

Со реакција на обраќањето на Буш во име на Демократите се јави гувернерката на Канзас, Катлин Сибелиус, која го повика Буш да се приклучи на Демократите во промена на курсот во Ирак и справување со економските проблеми.

„Вечерашното обраќање го означува почетокот на последната година на претседателскиот мандат, со нови лидери на хоризонтот и неизвесност ширум нашата земја. Условите во кои сме, дома и во странство, се резултат на направените избори и неодговорените предизвици, кажа Сибелиус.

/крај/воа/ап/

Copyright 2008

makfax

. Сите права се задржани. Текстов не смее да се печати или емитува, во целина или во делови, без договор со makfax.