Uncategorized
НАТО, за проширувањето, Авганистан, Косово, штитот…
Состанок на Советот на НАТО на кој ќе се расправа за проширувањето на Алијансата, ќе се одржи денеска, во рамки на Самитот на НАТО што се одржува во Букурешт.
Состанок на Советот на НАТО на кој ќе се расправа за проширувањето на Алијансата, ќе се одржи денеска, во рамки на Самитот на НАТО што се одржува во Букурешт.
Самитот во романската престолнина треба да им донесе покани за членство на Албанија, Хрватска и на Македонија, на кои тоа им беше ветено на претходниот состанок на врвот во Рига 2006 година.
Од друга страна понудата на НАТО – Украина и Грузија да добијат статус на кандидати предизвика негативни реакции од Русија, но и разлики меѓу земјите членки на воениот сојуз.
Лидерите на 26-те земји членки на НАТО се очекува да направат чекор напред во однос на мисијата во Авганистан, по најавата на Франција дека ќе упати дополнителни војници во ИСАФ, а треба да заврши и расправата за нееднаквата поделба на товарот на мисијата во Авганистан меѓу државите членки.
Долгорочен стратешки план за решавање на состојбата во Авганистан се очекува да биде усвоен на Самитот во Букурешт, во кој се нагласува дека НАТО таму ја гарантира безбедноста, а другите организации, како Обединетите нации, Светската банка, па и ЕУ треба да ја одиграат својата улога.
На денешната сесија се очекува да учествува и претседателот на Авганистан Хамид Карзаи, како и генералниот секретар на Обединетите нации(ОН) Бан Ки Мун.
Значајна тема на Самитот ќе биде и состојбата на Косово, особено по сериозните судири меѓу српските демонстранти и припадниците на мисијата на НАТО – КФОР и на полицијата на ОН.
Самитот се очекува да донесе напредок и во прашањето за изградбата на американскиот антиракетен штит во Европа.
Лидерите на НАТО ќе се подготвуваат и за подготовките за 60-годишнината од постоењето на Алијансата идната година, а на дневен ред е и соработката со други организации како ООН и ЕУ.
Самитот во Букурешт ќе биде најголем состанок на врвот досега, со најголемо учество на странски гости, меѓу кои се издвојуваат генералниот секретар на ОН Бан Ки Мун, претседателот на Европската комисија Жозе Мануел Баросо, лидерите на Русија во заминување и доаѓање Владимир Путин и Дмитриј Медведев, како и авганистанскиот претседател Хамид Карзаи.
Во Букурешт се над 3.000 официјални лица, од кои 24 шефови на држави и 26 претседатели на влади, како и околу 3.500 претставници на медиумите. За безбедноста ќе се грижат околу 34 илјади полицајци.
(крај)ста/мк/мп
Copyright 2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.