Uncategorized
Хилари Клинтон го победи Обама во Пенсилванија
Сенаторката Хилари Клинтон го победи во трката за претседателска номинација на Демократската партија во Пенсилванија ривалот Барак Обама, со што ги обнови надежите дека ќе стане прва жена претседател на САД.
Сенаторката Хилари Клинтон го победи во трката за претседателска номинација на Демократската партија во Пенсилванија ривалот Барак Обама, со што ги обнови надежите дека ќе стане прва жена претседател на САД.
Бившата прва дама на САД синоќа во Пенсилванија освои 55 проценти од гласовите, а Обама 45 проценти.
Гласањето во Пенсилванија, држава која бира 158 делегати, ја отвори завршната фаза во натпреварот за кандидат што на претседателските избори во ноември ќе се соочи со кандидатот на Републиканците Џон МекКејн.
Победата на Клинтон во Пенсилванија ќе биде ставена на проба за две недели во Индијана и Северна Каролина, каде Обама важи за фаворит.
Изборот на единствениот кандидат на демократите ќе биде на 3.јуни.
Обама досега освои поддршка од околу 1.720 гласови на делегатите, а поддршката на Клинтон е 1.588 делегати.
Бројот на делегати кои треба да гласаат за да биде избран претседателски кандидат изнесува 2.024 лица
./крај/бе/ис
Copyright 2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.