Uncategorized
Цената на нафтата може да достигне 150-200 долари за барел
Ценaтa на нафтата може да порасне до 150- 200 долари за барел во следните две години, сметаат аналитичарите на „Голдман Сакс“.
Ценaтa на нафтата може да порасне до 150- 200 долари за барел во следните две години, сметаат аналитичарите на „Голдман Сакс“.
Можноста за пораст на цената на нафтата во следните шест до 24 месеци, како многу веројатна ја оценува Арџун Мурти, еден од експертите на „Голдман сакс“, кој вртоглавиот раст на вредноста на „црното злато“ го предвиде уште во март 2005 година, кога барел нафта чинеше околу 55 долари.
Своевремено тој пресмета дека во 2006 година нафтата ќе „скокне“ на 75 долари, а во 2007- до 105 долари.
Прагот од 100 долари за барел, беше поминат на почетокот на 2008 година, а вчера барел нафта на берзата во Њујорк се продaваше за рекордни 122,73 долари.
Зголемувањето на цената, според експертите се должи на дисбалансот меѓу понудата и побарувачката, но и на обезвреднувањето на парите, а пред се на доларот.
Доколку цената на нафтата расте умерено и овој тренд продолжи до 2010-2011 година, просечната цена на нафтата се очекува да биде 120 долари за барел на годишно ниво.
„Но во случај на отсуството на адекватен пораст на понудата проследен со зголемувањето на побарувачката во развиените држави кои не се многу зависни од цените на нафтата, би се испровоцирало драстично намалување на побарувачката“, смета Мурти.
Тоа значи дека во случај цената на нафтата да достигне 150-200 долари за барел, во периодот од 2009-2011 година, во 2011 би можела да падне на 75 долари за барел, појаснува Мурти.
Експертите анализираат и како промените на цената на нафтата ќе се одразат на светските економии. Најголемата економска сила во светот- САД, зголемувањето на расходите на енергетските ресурси го компензира со рефинансирањето на хипотекарните кредити, смета поранешниот економски советник на Бил Клинтон, Роберт Вескот.
Тој под знак прашање ја доведува и способноста на Кина да го компензира скратувањето на извозот во САД со домашната побарувачка.
На краткорочен план, порастот на цената на нафтата, сепак ќе овозможи помал раст на руската економија, сметаат експертите.
Тие појаснуваат дека доколку во 2011 година цената на нафтата драстично поевтини, доларот сепак би можел да ја зајакне својата вредност. /
Мирјана Стојановска, Александар Поповски
Copyright 2007
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.