Кризата со европскиот устав може да ги отежне плановите на редица балкански држави за примање во Еврoпската унија(ЕУ) – соопшти Канцеларијата на Главниот преставник за надворешна политика на Унијата Хавиер Солана.

Кризата со европскиот устав може да ги отежне плановите на редица балкански држави за примање во Европската унија(ЕУ) – соопшти Канцеларијата на Главниот преставник за надворешна политика на Унијата Хавиер Солана.

Според портпаролот на Солана, Кристина Галјак, повеќето поранешни југословенски републики доколку сакаат да останат „во игра“ за идно членство во ЕУ, треба да вложат уште повеќе напори и на тој начин да станат „заводливи“ кон Унијата.

Галјак додаде дека балканските држави, пред се, треба да направат напредок во економските и политичките реформи. Изјавата кон нив по француското и холандското „не“, е дека треба да работата повеќе од кога и да било и тоа здраво да работат на реформите – додаде синоќа Галјак.

Европската унија во 2003 на Самитот во Солун соопшти дека Хрватска, Србија и Црна Гора, БиХ, Македонија и Албанија имаат отворени врати за влез во Унијата, но одби да прецизира временски рок кога може да се очекува нивниот прием.

Пролетва, ЕУ го одложи давањето статус кандидат за Хрватска поради несоработка со Хашкиот трибунал, на СЦГ и дозволи преговори за Договорот за Стабилизација и асоцијација, а Македонија на есен ги чека оценките на Брисел дали ќе стане земја кандидат за членство.

Многу политичари и аналитичари меѓутоа, веќе проценуваат дека актуелните проблеми во Унијата со усвојувањето на Евроуставот – за кој се преговараше цели две години пред да биде усогласен – ќе доведе до поместување на термините на Унијата за натамошно ширење./крај/афп/макфакс/