Uncategorized
Само четворица ветерани од Првата светска војна

Две седмици пред одбележувањето на 90. годишнината од крајот на војната, на 11. ноември 1918, во светот се живи само четворица ветерани од Првата светска војна.
Две седмици пред одбележувањето на 90. годишнината од крајот на војната, на 11. ноември 1918, во светот се живи само четворица ветерани од Првата светска војна.
Откако во неделата почина Италијанецот Делфино Борони на 110 години, живи се уште четворица учесници во Првата светска војна – тројца Британци и еден Американец.
Листата на преживеаните ветерани ја направи Фредрик Матје, кој го уредува сајтот dersdesders.free.fr.
Оваа година починаа последниот германски ветеран Ерик Кестнер (107) и последниот француски ветеран Лазаре Понтичели (110).
Британски ветерани :
– Хенри Алинхгман (112), роден е на 6 јуни 1896 година. Единствен преживеан ветеран, кој се борел од почетокот до крајот на војната. Доброволно се приклучил на британската војска во 1914 и работел како механичар во британската кралска воздухопловна морнарица. Во 1916 година учествувал во поморската битка кај Јутланд, а следната година во битката за Сома. Живее во Англија.
– Хари Печ (110), роден на 17 јуни 1898 година.Бил мобилизиран во 1917 година и се приклучил на Седмата пешадиска дивизија. Се борел на француско – белгискиот фронт, каде бил тешко ранет на 22 септември 1917. Живее во Англија.
– Клод Чоулс (107), роден на 3 март 1901 година. Во 1916 се приклучил на Кралската морнарица, а од 1917 бил стациониран во Црното море. Живее во Австралија.
Американскиот ветеран е Френк Баклс (107). Роден е на 1 февруари 1901 година.Со 16 години се приклучил на американската војска. Во декември 1917 заминал во Франција, каде прво бил болничар, а потоа се грижел за германските заробеници. Живее во Западна Вирџинија. Француската Амбасада во Вашингтон во овој месец го одликуваше Баклс со орденот Легија на честа.
/крај/б/ег/
Copyright
2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.
Uncategorized
(Фото) Врската со 11 години помладиот маж ѝ годи: го промени и начиниот на облекување поради него

Каде и да се појави, Џесика Алба предизвикува воздишки. Таа привлекува големо внимание од јавноста и со својот приватен живот, бидејќи по разводот од Кеш Ворен, таа започна романса со колега кој е 11 години помлад од неа.
Но, не е само нејзиниот емотивен живот тој што доживеа ренесанса… Нејзиниот начин на облекување исто така значително се промени, а често ја гледаме една од најубавите актерки во смели комбинации.
Неодамна имавме можност да ја видиме во атрактивна комбинација, а сега таа прошета по улиците на Њујорк во шик комбинација инспирирана од „old money“ стилот.
Jessica Alba Seen Out to Dinner at The Old Rose in New York City 09-18-2025
-> https://t.co/7GqKwBMA18 pic.twitter.com/3y4asNMojt— Tha Starz (@thastarz) September 21, 2025
Таа носеше бела маица и јакна со златни копчиња, а на комбинацијата додаде и лежерни фармерки и бели потпетици. Може да се каже дека нејзиниот стил е комбинација од модерно и елегантно, и совршено ѝ стои.
Едно е сигурно – Џесика Алба процвета по разводот!
фото: принтскрин