Uncategorized
Претседателски избори во Иран
Претседателски избори се одржуваат денеска во Иран, на кои најголеми шанси за победа има поранешниот ирански претседател Хасеми Рафсанџани.
Претседателски избори се одржуваат денеска во Иран, на кои најголеми шанси за победа има поранешниот ирански претседател Хасеми Рафсанџани.
Како што јавуваат медиумите, околу 47 милиони Иранци со право на глас, ќе можат да гласаат на изборните места што ќе бидат отворени од 9 до 19 часот.
Во претседателската трка учествуваат седум кандидати – покрај прагматичниот Рафсанџани има уште тројца ултраконзервативни кандидати и тројца реформисти.
Доколку ниту еден кандидат не го освои потребното мнозинство, вториот изборен круг најверојатно ќе се одржи на 24 јуни.
Врховниот водач на Исламската република, ајатолахот Хомеини, ги повика денеска Иранците “со ентузијазам“ да учествуваат на изборите.
Изборниот процес ќе се одвива под засилени мерки на безбедност поради неодамнешните бомбашки напади во земјата. /крај/бета/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.
Uncategorized
Автомобил удри во заштитна ограда кај Градско, повредени две жени
На регионалниот пат Градско-Неготино во близина на мостот на Црна река, автомобил со велешки регистарски ознаки, управувано од Т.П.(47) од Градско, удрило во заштитна метална ограда.
Во несреќата со тешки телесни повреди се здобила сопатничката Н.М.(57), а со телесни повреди се здобила сопатничката Б.П.(45), двете од Градско, констатирани во болницата во Велес.
Извршен е увид.