Uncategorized
Буш го одбра Мајкл Хејдон за нов директор на ЦИА

Американскиот претседател Џорџ Буш го одбра генералот Мајкл Хејдон за нов директор на ЦИА, јави американската телевизија Си-Ен-Ен. Хејдон е вено лице и човекот кој беше главен околу незаконското прислушкување на милиони Американци по 11/09
Американскиот претседател Џорџ Буш ќе го назначи генералот Мајкл Хејдон за нов директор на ЦИА, јави американската телевизија Си-ен-ен.
Според истиот извор, кој се повикува на изјава на советникот на Буш, Стивен Хадли, Хејдон ќе го замени Портер Гос, кој под притисок поднесе оставка минатиот петок.
Гос при поднесувањето оставка единствено изјави дека “тоа е уште една од моите мистерии“, меѓутоа, дел од американските медиуми дознаваат оти оставката е поднесена поради несогласувања со првиот човек на Дирекцијата за национална безбедност, Џон Негропонте, кој управува со 14 безбедносни и разузнавачки организации во САД.
Хејдон на местото шеф на ЦИА доаѓа од позицијата главен заменик на Негропонте. Именувањето на Хејдон, меѓутоа, е проблематично од две причини. Станува збор за воено лице и за човек кој како директор на Националната безбедносна агенција (НСА), имаше клучна улога во прислушкувањето на милиони Американци по 11-ти септември 2001 година, кое беше извршувано без судски налог.
Самиот Хејдон тоа го правдаше со зборовите дека станувало збор за „неопходна алатка“ во борбата против тероризмот.
Американските парламентарци и во Сенатот и во Конгресот, голем дел од нив и од Републиканската партија, изразуваат загриженост околу изборот на Буш за нов прв човек на ЦИА.
Хејдон треба да ги помине филтрите во ресорните комитети во Сенатот, а потоа и на пленарна седница да биде потврдено неговото именување.
Во меѓувреме дел од експертите оценуваат оти со најновите турбуленции продолжува да се намалува ефикасноста на американското разузнавање и внатрешна безбедност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.