Uncategorized
Лидерите на ЕУ дискутираат за уставната криза и за ширењето
![](https://makfax.com.mk/wp-content/uploads/2016/11/68e7eea6-1984-4d92-9ac2-a0c3dbeab713.jpeg)
Дводневниот самит на Европската унија продолжува денеска во Брисел со дискусија за судбината на европскиот устав и натамошно ширење на Унијата, по што ќе бидат усвоени заеднички заклучоци.
Дводневниот самит на Европската унија продолжува денеска во Брисел со дискусија за судбината на европскиот устав и натамошно ширење на Унијата, по што ќе бидат усвоени заеднички заклучоци.
Се очекува од челниците на ЕУ да ја одредат 2009 година како крајна, до кога треба да се реши прашањето за уставот.
Германија, односно канцеларот Ангела Меркел е најсилен поттикнувач за зачувување на уставот на Унијата, чија судбина е неизвесна по минатогодишното отфрлање на овој документ од Франција и Холандија.
Австрискиот канцелар Волфганг Шисел пред започнување на самитот најави можност да биде лимитиран временската рамка за размислувања и решавање на кризата помеѓу 2007 и 2009.
Идејата на Австријците и Германците е, Берлин во првата половина од 2007 да направи сериозен напор со нови предлози, за да во средината на 2008, веќе се знае одговорот на прашањето како понатаму.
Претседателот на Европската комисија Жозе Мануел Баросо, вчера јасно стави на знаење дека без усвојување на уставот нема да може да стане збор за проширување на Унијата со земји од западниот Балкан
Во расправата за проширување на Унијата, се очекува да се нагласи апсорционата моќ на унијата да прима нови членки, но на самитот нема да стане збор за нешто поконкретно.
Планирано е за проширувањето да се зборува многу повеќе на самитот во декември, кога ќе биде подготвен извештајот од Европската комисија. Се очекува, комисијата да достави и предлог за проширување на унијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Гаши на средба со амбасадорот на Австралија: Разговарано за билатералните односи меѓу двете земји
![](https://makfax.com.mk/wp-content/uploads/2024/07/австралија_2.jpg)
Претседателот на Собранието, Африм Гаши, се сретна со Даниел Џозеф Емери, амбасадор на Австралија за Република Северна Македонија (со седиште во Белград, Република Србија).
На средбата се разговараше за билатералните односи меѓу двете земји, а Гаши го запозна амбасадорот и со чекорите на Северна Македонија во насока на остварување на своите стратешки цели за што во континуитет имаме поддршка од нашите пријателски земји, меѓу кои и Австралија.
Гаши нагласи дека Северна Македонија и Австралија, иако се просторно многу далечни, всушност негуваат мошне блиски и пријателски односи и споделуваат слични вредности, особено во поглед на светскиот мир и демократијата.
Беше посочено дека наредната година се заокружуваат 30 години од воспоставувањето на билатералните односи меѓу двете земји. Тоа, како што беше заклучено, претставува дополнителен поттик за понатамошно продлабочување на соработката и во делот на економијата и инвестициите, особено ако се има предвид дека голем број граѓани по потекло од земјава живеат и работат во Австралија.
Соговорниците ја оценија како позитивна и продуктивна комуникацијата на ниво на парламенти и преку пратеничките групи за соработка, а во однос на мултилатералната соработка беше посебно истакнато партнерството во рамките на НАТО и членството во Обединетите нации.
Uncategorized
Таравари: Објавен тендер за компресорите во хируршките сали, кои не работат
![](https://makfax.com.mk/wp-content/uploads/2024/04/taravari-2.jpg)
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.