Uncategorized
Олмерт – Хезболах нема да биде опасност за Израел
![](https://makfax.com.mk/wp-content/uploads/2016/11/673a87c0-fb64-4bfa-8252-917b0d8ad81b.jpeg)
Хезболах повеќе нема да ја застрашува еврејската држава – изјави денеска израелскиот премиер Ехуд Олмерт, откако започна израелската копнена офанзива во јужен Либан.
Хезболах повеќе нема да ја застрашува еврејската држава – изјави денеска израелскиот премиер Ехуд Олмерт, откако започна израелската копнена офанзива во јужен Либан.
Додека на теренот се водат жестоки борби околу неколку села во јужен Либан, Олмерт тврди дека „Хезболах веќе не ќе може да го застрашува нашиот народ, зашто тој се спротивстави и победува“.
Олмерт, кој од страна на британски „Индепендент“ беше оценет како морално банкротиран политичар, повтори дека примирје или прекин на огнот не треба да се очекува, додека не се променат од корен причините што довеле до израелската офанзива.
Армијата рано изутрината тргна во копнен напад во јужен Либан, откако Владата и Парламентот во Ерусалим и дадоа зелено светло за операцијата.
Крајната цел на офанзивата е да исчисти регион од 30 километри во длабочина на либанската територија од присуство на единици и борци на шиитското движење Хезболах.
Израелската команда попладнето издаде предупредување до цивилите во јужен Либан да се евакуираат северно од реката Литани.
Војската тврди дека досега во тринеделниот конфликт убила 300 – 400 припадници на Хезболах, додека шиитското движење тврди дека загубило 43 лица.
Израелските загуби од почетокот на војната изнесуваат над 30 војници и 18 цивили.
Во самиот Либан пак, досега загинаа над 750 цивили.
/крај/ббц/риа/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Таравари: Објавен тендер за компресорите во хируршките сали, кои не работат
![](https://makfax.com.mk/wp-content/uploads/2024/04/taravari-2.jpg)
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.