Околу 23 проценти од жените кои се породиле во САД, во 2002 година, не се од американско потекло, соопшти Центарот за следење на имиграцијата, во Вашингтон.

Околу 23 проценти од жените кои се породиле во САД, во 2002 година, не се од американско потекло, соопшти Центарот за следење на имиграцијата, во Вашингтон.

Според експертите, оваа бројка е поголема дури и од онаа во 1910 година, кога емигранти од Источна Европа масовно се иселуваа во САД, а бројот на странкињи кои таму се пораѓаа изнесуваше 22 проценти.

Од вкупно четири милиони бебиња кои дошле на “белиот свет“ во САД, во текот на 2002 година, 915 илјади се деца на имигрантки, што е значително повеќе споредбено со 1970 година, кога само шест проценти од вкупно 3.7 милиони бебиња биле на имигрантки.

Истражувањата на Центарот, спроведени по информации од Националниот центар за медицинска статистика, покажуваат дека секое десето бебе во САД го раѓа Мексиканка.

При утврдување на бројките биле земени предвид и легални и нелегални емигранти, без да се утврдува државјанството на таткото.

Експертите предупредуваат дека зголемување на раѓање деца од имигранти може да доведе тие да живеат во свои заедници, по други закони, без да бидат асимилирани од страна на САД.

Стручњаците тврдат дека треба да почнат да се воведуваат сериозни ограничувања за имиграцијата, додека противниците на ограничувањата се убедени оти овие стравувања немаат никаква основа./Крај/бг/ис/б