Uncategorized
Шеесет години од првата нуклеарна проба

Во текот на викендов во близина на Алмагород во Ново Мексико, САД, се одбележуваат 60 години од првата проба на нуклеарна бомба во светот, со што, современата цивилизација навлезе во т.н. нуклеарно доба.
Во текот на викендов во близина на Алмагород во Ново Мексико, САД, се одбележуваат 60 години од првата проба на нуклеарна бомба во светот, со што, современата цивилизација навлезе во т.н. нуклеарно доба.
Соединетите Американски Држави во пустината во 1945 извршија проба на плутониумска бомба, иста онаква каква што не цел месец подоцна, беше фрлена врз јапонскиот град Нагасаки.
Тестот на атомската бомба беше врв на тригодишниот супер таен проект „Менхетен“ што се одвиваше во лаборатории во близина Лос Аламос, каде бројни научници, меѓу кои и бегалци од Европа, работеа на создавањето на нуклеарната бомба.
Тестовите и успешно детонираните бомби во Хирошима и Нагасаки, со кои беше завршена улогата на Јапонија во Втората светска војна, отворија простор за масовно создавање на илјадници нуклеарни проектили на Соединетите Американски Држави и на Советскиот Сојуз – главни ривали во четири деценискиот период наречен Студена војна.
Двете земји за овој период создадоа околу 70 илјади нуклеарни боеви глави, водени пред се од „доктрините на одвраќање“ на своите политичари и стратези.
Дури во средина на седумдесетите години од минатиот век започнаа првите посериозни размислувања за нуклеарно разоружување и контрола на нуклеарното оружје, по што Вашингтон и Москва започнаа со потпишување на серија договори за намалување на нуклеарниот потенцијал.
И покрај се, овие две земји денеска располагаат со по неколку илјади нуклеарни боеви глави распоредени на копно, на вода и под вода, а стратегиски нуклеарни бази Американците се уште чуваат на европско тло./крај/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.