Uncategorized
Европа ќе објави револуционерни промени во енергетската политика
Револуционерни промени во поглед на производството и потрошувачката на енергијата се предвидени во Акциониот план на Европската унија(ЕУ) што треба да биде објавен денеска.
Револуционерни промени во поглед на производството и потрошувачката на енергијата се предвидени во Акциониот план на Европската унија(ЕУ) што треба да биде објавен денеска.
Најдеталниот документ на ЕУ за оваа сфера во моментов е подложен на последни усогласувања и попладне се очекува да биде објавен од претседателот на Европската комисија Жозе Мануел Баросо.
Акциониот план предвидува намалување на емисијата на штетни гасови, намалување на потрошувачката на енергија, а истовремено зголемување на енергијата од обновливите извори на 20 проценти во вкупната маса до 2020.
Таканаречената „индустриска револуција“ на ЕУ накратко предвидува зголемување на производството на енергија добиена од ветер, вода и сонце, производителите да се натераат да произведуваат со нула емисија на штетни гасови, луѓето да живеат во домови кои трошат малку енергија, да се возат во возила што користат биодизел и да можат да купуваат електрична енергија на целосно либерализиран енергетски внатрешен пазар на Унијата.
Акциониот план е изготвен врз основа на долгорочните проценки на различни тела и агенции на Унијата според кои, со вакво темпо на развој потребите на ЕУ за енергија од увоз, ќе пораснат од сегашните 50 отсто на 65 отсто до 2030.
Покрај тоа, постојат и уште пострашни сценарија, според кои, до 2030 година ќе се доведат до минимум сегашните актуелни извори на нафта и гас, а во истовреме потрошувачката ќе се зголеми за 41 процент, по што, ќе следи жестока битка на големите сили за неексплоатираните резерви на Блискиот Исток и на Арктикот.
Меѓународна Агенција за енергија пак, предвидува дека просечната температура на воздухот до 2100 г. ќе се зголеми за 5 целзиусови степени, а околу 2070 г. нивото на океаните ќе се зголеми, што ќе придонесе на пример, нивото на Медитеранот да се зголеми за 1 метар. Сето ова ќе донесе зголемени проблеми со болести и други практични проблеми со кои ќе се сретнат сите држави од Медитеранот, наведува Агенцијата.
„Индустриската револуција“ на ЕУ се совпаѓа и со актуелните проблем со испораката на руски гас и нафта низ досегашните нафтоводи, за што вчера предупреди и германскиот канцелар Ангела Меркел.
Таа укажа на потребата ЕУ да зборува со еден глас во однос на Москва и да направи се што е потребно за да се намали зависноста од Русија.
/крај/ббц/еуобс/тб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.
Uncategorized
(Видео) Руска вселенска капсула слета на Земјата, поставен нов рекорд: астронаутите поминале 374 дена во вселената
Руската вселенска капсула „Сојуз МС-25“ слета денеска во степите на Казахстан со двајца руски и еден американски астронаут, кои престојуваа на Меѓународната вселенска станица (МВС).
Капсулата „Сојуз“ со космонаутите на „Роскосмос“, Николај Чуб и Олег Кононенко, и астронаутот на НАСА, Трејси Дајсон, слета на Земјата во 11.59 часот по локално време, јавува „Ројтерс“.
Кононенко и Чаб заминаа кон вселенската станица на 15 септември 2023 година и во петокот го поставија рекордот за најдолга континуирана мисија на ISS поминувајќи вкупно 374 дена во вселената.
Welcome home!
The Soyuz MS-25 spacecraft, with NASA astronaut Tracy C. Dyson and cosmonauts Nikolai Chub and Oleg Kononenko aboard, landed in Kazakhstan at 7:59am ET today. More… https://t.co/RYIAX6voqf pic.twitter.com/HCAewHyjik
— International Space Station (@Space_Station) September 23, 2024