Група американските сенатори поднесоа предлог резолуција против планот на претседателот Џорџ Буш кој предвидува испраќање дополнителни 21.500 војници во Ирак.

Група американските сенатори поднесоа предлог резолуција против планот на претседателот Џорџ Буш кој предвидува испраќање дополнителни 21.500 војници во Ирак.

Сенаторите, меѓу кои има и републиканци, во предлог резолуцијата оценуваат дека таквиот план на Буш не спаѓа „во американскиот национален интерес“.

„Американската стратегија во Ирак може да се одржи само со поддршка на американскиот народ и со двострана поддршка од Конгресот“, се истакнува во нацрт резолуцијата за која што Сенатот треба да расправа идната среда, ден по говорот на Буш за состојбата на нацијата.

„Ќе направам се за да ја сопрам политиката на претседателот“, изјави републиканскиот критичар на војната Чак Хегел на конференција за новинари одржана заедно со претседателите на сенаторските одбори за надворешна политика и за вооружени сили Џозеф Биден и Карл Левин.

Републиканскиот сенатор Олимпиа Сноу издаде соопштение со кое ја поддржува предлог резолуцијата оценувајќи дека таквата резолуција се движи кон вистинскиот правец.

Резолуцијата повикува да се пренамени мисијата во Ирак, од борбена во мисија на обука, мисија против тероризмот и заштита на територијалниот интегритет на Ирак.

Со нацрт резолуцијата не се предвидува повлекување на американските воени сили, ниту пак се заканува со прекин на финансирањето на воените операции, што беа некои од барањата на демократите. Наместо тоа се вели дека Американците со текот на времето треба да ги префрлаат одговорностите на Ирачаните.

Истовремено портпаролот на Белата Куќа, истакна дека нацрт резолуцијата нема да има влијание врз Буш при донесувањето на одлуката.