Uncategorized
Г7: Економскиот раст во светот порамномерен
Економскиот раст во светот станал порамномерен, додека инфлаторните ризици се намалиле, заклучија економските лидери на групата седум најразвиени земји во светот (Г7).
Економскиот раст во светот станал порамномерен, додека инфлаторните ризици се намалиле, заклучија економските лидери на групата седум најразвиени земји во светот (Г7).
Во соопштението од состанокот во германскиот град Есен, министрите за финансии и гувернерите на централните банки од Г7 наведуваат дека економскиот раст во светот е порамномерен пред се поради заживувањето на економијата во евро зоната.
Министрите од Г7 наведуваат дека се намалиле ризиците за светската економија поради падот на цените на енергенсите и опаѓањето на инфлаторните притисоци.
Покрај поволните перспективи за развој на економиите во членките на Г7 – САД, Јапонија, Германија, Британија, Франција, Италија и Канада, во соопштението се наведува дека САД минуваат низ период на „умерена активност”, но и оти се движат кон „потраен раст”.
Министрите повикаа на внимателност во делувањето на фондовите за осигурување од губитоци и апелираа на Кина да ја измени политиката на ефективен девизен курс. Кина оствари повеќе од милијарда долари девизни резерви, купувајќи долари за да ја контролира домашната валута, јуанот.
По повод состанокот на Г7, повеќе стотици противници на глобализацијата вчера протестираа во центарот на Есен.
/крај/б/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.