Uncategorized
Ханија вети коалициска влада за три недели
Палестинскиот премиер Исмаил Ханија најави дека за три недели ќе состави коалициска влада составена од припадници на Хамас и Фатах, јавуваат западните агенции.
Палестинскиот премиер Исмаил Ханија најави дека за три недели ќе состави коалициска влада составена од припадници на Хамас и Фатах, јавуваат западните агенции.
Ханија вчера поднесе оставка и ја распушти владата, а палестинскиот претседател Махмуд Абаз го задолжи да состави нова влада во согласност со договорот за поделба на власта што минатата недела го постигнаа раскараните Хамас и Фатах.
„Нема да отстапиме. Ќе одиме се додека не составиме коалициска влада“, изјави денеска Ханија давајќи заклетва во џамија.
Тој најави дека преговорите ќе ги започне уште утре, кога ќе се фокусира на отворените прашања, како изборот на министер за внатрешни работи, кое е клучно бидејќи ги контролира безбедносните сили.
На Ханија му е даден рок од пет недели за состав на новата влада, но тој вети дека работата ќе ја заврши за три недели.
Според аналитичарите, и новата влада тешко ќе ја добие поддршката на меѓународната заедница, бидејќи не го исполнува условот на западните земји кои бараат од Хамас да ја признае државата Израел.
/крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.