Uncategorized
Јушченко и Јанукович разговараат за кризата

Украинскиот
претседател Виктор Јушченко
и премиерот Виктор Јанукович се сретнаа денеска за да ја разгледаат политичката
криза во државата, која се создаде откако шефот на државата го распушта парламентот.
Украинскиот
претседател Виктор Јушченко
и премиерот Виктор Јанукович се сретнаа денеска за да ја разгледаат политичката
криза во државата, која се создаде откако шефот на државата го распушта парламентот.
Тема на разговорот
нема да биде барањето на премиерот да
биде анулиран указот на претседателот за распуштање на парламентот, туку организирањето
на предвремени избори за законодавниот дом, соопшти заменик-началникот на претседателката канцеларија
Олександар Чали.
Претседателот
сака да се постигне политички договор за начинот, на кој ќе се изврши указот и ќе се организираат
привремените избори, додаде тој.
Јушченко
претходно на средба со шефовите на безбедносните служби рече дека е
недопустлива употреба на сила во разрешување на кризата.
„Политичарите треба да ги разрешат
конфликтите по политички пат”, рече претседателот и ги повика раководителите на безбедносните сили да не спроведуваат никакви мобилизациони активности. Јушченко посочи дека ситуацијата во државата не вонредна и „бара решение исклучиво по демократски пат”.
Министерот за
одбрана Анатолиј Хритсенко рече дека армијата ќе биде лојална на претседателот
на државата.
Европската комисија ги повика политичките сили во Украина да изнајдат мирно решение за кризата,.
„Ги повикуваме сите политички сили, кои се засегнати, да соработуваат и да најдат мирно решение за постоечкиот проблем", изјави портпаролот на европскиот комесар за надворешни работи Бенита Фереро-Валднер.
Портпаролката Кристијана Хоман потсети дека е важно за процесот на реформите, кои ЕУ ги поддржува и финансира во Украина, да се сочува политичката стабилност.
Премиерот
Јанукович претходно се закани дека ќе предизвика предвремени претседателски избори
ако шефот на државата не го преиспита решението за распуштање на парламентот.
Илјадници приврзеници
на украинскиот премиер протестираат во центарот на Киев. Групите доаѓаат од различни
делови на државата и се собираат на плоштадот до парламентот. На плоштадот се
поставени близу 140 шатори, сценарио, што многу потсетува на „портокаловата"
револуција од 2004 г./
макфакс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
АХВ се вклучи во одбележувањето на 16 Октомври – Светскиот ден на храната

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.