Uncategorized
Руски новинари даваат отказ поради притисок од Кремљ

Десетици новинари
од Рускиот сервис на вести, што ги подготвуваат вестите за најслушаните руски
радио станици, дадоа отказ поради најновата одлука на провладиниот уредувачки
тим дека програмата мора да содржи најмалку 50 проценти афирмативни вести.
Десетици новинари
од Рускиот сервис на вести, што ги подготвуваат вестите за најслушаните руски
радио станици, дадоа отказ поради најновата одлука на провладиниот уредувачки
тим дека програмата мора да содржи најмалку 50 проценти афирмативни вести.
Сопственикот на овој
медиумски сервис, Руската медиумска група, денеска не сакаше да ги коментира
овие обвинувања што уследија по растечката загриженост поради степенот на
слобода на медиуми во Русија.
Оваа загриженост
ја зајакна и протестот на руската Унија на новинарите на која и е наложено да
се исели од просториите во зградите во кои се наоѓа државната медиумска куќа,
вклучително и Руската информативна агенција “Новости“ и сателитскиот
телевизиски канал “Русија денес“.
Новинарот Артјом
Хан, кој во знак на протест на 9.мај го напушти Рускиот сервис новости, изјави
дека уште седум негови колеги исто така дале отказ поради случувањата во
Куќата. Тој изјави дека уредникот му префрлил оти неговиот извештај за
проруските протести пред естонската Амбасада во Москва имал “проестонски“
призвук и бил “непрофесионален“.
Според проценките
на западните невладини и медиумски организации и поединечни влади, од почетокот
на мандатот на претседателот Владимир Путин државата се повеќе се обидува да
влијае врз водечките руски гласила.
Медиумскиот
огранок на рускиот државен гигант ’Газпром“ ја презеде телевизијата НТВ и
дневниот весник “Известја“, своевремено познати поради критичкиот став кон
Кремљ и независното известување за војната во Чеченија.
Проценките се
дека руските водечки телевизиски станици се помалку содржат аналитичко новинарство
и извештаи во кои се преиспитува политиката на Кремљ.
/крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
АХВ се вклучи во одбележувањето на 16 Октомври – Светскиот ден на храната

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври – Светскиот ден на храната.
Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.
ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.
Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.
Uncategorized
Турција: Нашата дипломатија го спречи доаѓањето на Нетанјаху на самитот во Египет

Турската влада соопшти дека Анкара одиграла клучна улога во спречувањето на израелскиот премиер Бенјамин Нетанјаху да присуствува на самитот за Газа во Египет.
„По иницијатива на претседателот Реџеп Таип Ердоган и благодарение на турските дипломатски напори, Нетанјаху нема да учествува на состанокот“, изјавил владин претставник за германската агенција „ДПА“.
Израел пак тврди дека Нетанјаху не отпатувал поради еврејскиот празник Симхат Тора, иако претходно беше најавено негово присуство.
Самитот во Шарм ел-Шеик го предводи американскиот претседател Доналд Трамп, а учествуваат најмалку 20 светски лидери.
Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.