Uncategorized
Предупредување за напад на лондонскиот сити
Терористите најверојатно ќе го нападнат срцето на лондонскиот финансиски организам, познатиот Сити и тоа подрачје веќе го прегледале во потрага по можни цели, предупреди денеска британската полиција.
Терористите најверојатно ќе го нападнат срцето на лондонскиот финансиски организам, познатиот Сити и тоа подрачје веќе го прегледале во потрага по можни цели, предупреди денеска британската полиција.
“Секоја успешна терористичка група однапред ја проценува својата цел“, изјави началникот на лондонската полиција Џејмс Харт за весникот „Фајненшл тајмс“ додавајќи дека нема сомнение оти Сити во неколку наврати било цел на „непријателско извидување“.
Лондонскиот финансиски кварт, познат како Сити, е седиште на стотина банки, осигурителни компании, адвокатски канцеларии и други фирми, вклучувајќи ја и лондонската берза и Англиската банка.
Според Харт, евентуални цели би биле верски објекти, деловни и други значајни згради, односно места “каде би можела да биде предизвикана најголема штета на финансиските системи на лондонскиот Сити“.
И покрај терористичките напади на три возови на подземната железница и на автобус во Лондон на седми јули, кога загинаа 56 лица, само половина од деловните установи во финансискиот центар на британската престолнина имаат планови за случај на напад, рече Харт.
Toj додаде дека институциите не ги земаат многу сериозно предупредувањата за терористички напади.
Лондонскиот финансиски центар има своја сопствена полиција, која тесно соработува со метрополитенската полиција, што го покрива поширокото подрачје на градот и претставува водечка британска антитерористичка сила.
Финансискиот кварт во Лондон во 90-тите години на минатиот век беше цел на напад на Ирската републиканска армија, која во 1993 година постави камион бомба во Бишопсгејт.
Во експлозијата загина едно лице, 40 беа повредени и беше причинета голема материјална штета.
Една експлозија на подземната железница од седми јули се случи во близина на станицата Елдгејт, на источниот раб на деловното срце на Лондон. /крај/ста/тт/м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.