По долгогодишно запоставување, здравствениот сектор во Македонија конечно добива неопходни промени и инвестиции. Коалицијата Вреди објави дека Клиниката за инфективни болести, која беше жртва на лошо управување, е реконструирана и опремена со најсовремена технологија, благодарение на напорите на Министерството за здравство, кое го води Арбен Таравари.

„Ние во Коалицијата Вреди сме решени да ја промениме здравствената реалност во Македонија. Клиниката за инфективни болести, која децении наназад беше оставена на маргините, сега е пример за ефикасно управување и успешна реконструкција. Ова е само еден дел од нашите амбициозни планови за целосна модернизација на здравствениот систем“, велат од Вреди.

Со инвестиција од 1,5 милиони евра, првиот кат на Клиниката за инфективни болести е целосно реконструиран, претворен во достоен простор за пациентите и медицинскиот персонал. Новата опрема вклучува автоматски молекуларен дијагностички анализатор, единствен во регионот за PCR, CRP и HPV тестирање, како и автоматизиран апарат за аспирација, прв од ваков вид во земјата.

„Овие иновации, како што се апаратите за ултразвучна еластографија, гастроскопи и бронхоскопи, претставуваат само почеток на значајните промени кои ги подготвуваме за здравствениот сектор во целина. Овие инвестиции ќе значат многу за пациентите и медицинскиот персонал, кои конечно ќе имаат пристап до најсовремена опрема и соодветни услови за работа“, додаваат од Коалицијата Вреди.

Оттаму исто така најавија и значителни инвестиции во другите јавни здравствени установи, со буџет за здравство од 540 милиони евра за оваа година, зголемувајќи го финансирањето за 100 милиони евра. Дополнително, за прв пат во историјата, ќе бидат ангажирани 1.200 нови специјалисти, а позитивната листа на лекови е надополнета со 9 нови лекови.

„Со овие реформи и инвестиции, здравствениот систем ќе продолжи да се развива и модернизира, со единствена цел да се обезбедат квалитетни здравствени услуги за сите граѓани на Македонија. Нашата работа продолжува и ќе ги промениме условите за сите, не само за пациентите, туку и за медицинскиот персонал“, рекоа од Коалицијата.

Министерот за одбрана Владо Мисајловски денеска оствари билатерална средба со својот унгарски колега Кристоф Салај Бобровницки во рамки на кој денеска се одржува во Будимшешта, Република Унгарија.

Уште еден значаен чекор кон побезбедна, посигурна и просперитетна иднина, за граѓаните на двете држави, за регионот и Европа, беше констатирано од страна на двајцата соговорници на денешната средба.

Мисајловски во оваа прилика додаде дека е потребно да се искористи секоја можна соработка која ќе придонесе не само проширување и продлабочување на односите меѓу двете земји туку на развој на државите.

„Еден од најважните критериуми за развој е зачувување на мирот, безбедноста и стабилноста. Токму затоа е потребно заеднички да продолжиме да вложуваме во јакнењето на регионалната безбедност, како би можеле поефикасно да се справиме со предизвиците со кои се соочуваме“, истакна министерот Мисајловски и додаде дека е особено горд што одбранбената соработка со Унгарија се интензивира особено по потпишувањето на Планот за билатерална соработка меѓу двете земји.

„Ние не сме само набљудувачи на сегашноста, туку архитекти на подобра и посигурна иднина. Активностите кои се опфатени со Планот се доказ за сериозната посветеност меѓу двете министерства и армии и за нас е од особена важност е можноста за размена на искуства и знаења кои двете земји ги нудат во насока на зајакнување на човековите капацитети“, потенцира Мисајловски.

Унгарскиот министер Салај Бобровницки на оваа средба кажа дека се отвораат нови можности во процесот на набавки и развој во делот на одбранбената индустрија преку договор Влада со Влада, можноста за набавки на воена опрема од страна на унгарски производители, како и за интензивирање на соработка во процесот на обука и вежби за припадниците на специјалните сили и армиите воопшто.

За време на состанокот се разговараше и за Меморандумот за разбирање меѓу двете институции, кој е во завршна фаза на усогласување, а кој ќе биде дополнителен импулс градењето на меѓусебната соработка.

Шефот на руската дипломатија Сергеј Лавров денеска изјави дека само Западот и претседателот на Украина, Володимир Зеленски, ги попречуваат мировните преговори.

За време на посетата на Доха, тој рече дека претседателот на Русија, Владимир Путин, многупати одговарал на лажните обвинувања за преговорите и дека најдобрата помош за оние кои искрено сакаат да го решат овој конфликт е да разберат зошто настанал овој конфликт.

„Европа отворено се обидува да го поткопа решението на конфликтот во Украина. Ова е менталитетот „или-или“ што владее во Европа во последно време“, рече Лавров, пренесува „Раша тудеј“.

Според него, Русија смета дека е невозможно да се согласи на договори кои би вклучиле и повторно вооружување на Украина.

„Она што остана од Украина мора да се ослободи од расистичките закони“, рече Лавров и додаде дека Европа со своите постапки покажала дека не сака никаков мир, бидејќи „нејзиниот штитеник не ги исполнил сите задачи што му ги дала“.

На прашањето дали е вистина дека Москва се согласила да користи 300 милијарди долари замрзнати средства за обнова на Украина, под услов некои од нив да бидат наменети за потребите на новите руски региони, Лавров посочи дека не се зборува за „имот украден од Европејците“ и дека е сигурен дека ова прашање ќе биде решено наскоро, како што истакна и шефот на американскиот Стејт департмент, Рубио.

Тој додаде дека средба на руски и американски претставници на која ќе се разговара за работата на амбасадите ќе се одржи на 27 февруари во Истанбул.

Истовремено, тој отфрли секакви опции за распоредување европски мировни сили во Украина, наведувајќи дека Русија воопшто не го разгледува тоа, пренесува РИА Новости.

Лавров на прес-конференцијата во Катар посочи дека оваа идеја, која, како што рече, ја наметнуваат Европејците, „односно Франција и Велика Британија“, има за цел натамошна ескалација на конфликтот и сузбивање на обидите за прекин на конфликтот.

„Макрон во Вашингтон зборуваше за потребата од итен прекин на огнот, за воведување на овие мировни сили, а потоа, наводно, ќе зборуваме за териториите, за судбините на луѓето, за другите принципи на решавање. Ова е измама. Не можете да одите до договор чија цел е да се постигне една единствена цел, да се напумпа Украина со оружје“, рече Лавров.

„Облогот на Западот за воено решение е безнадежен“, рече тој.

Зборувајќи за потенцијалното искористување на руските замрзнати средства, тој рече дека Москва ќе има одговор на тоа.

„Прашањето за рускиот имот на Запад нема да исчезне од агендата на преговорите во Украина“, рече Лавров, нагласувајќи дека имотот првенствено е украден од Европејците.

Лавров пристигна во Доха на средба со катарскиот емир Тамим бин Хамад ал Тани, пренесува Танјуг.