Израелските сили започнаа изутрината со евакуација на еврејската колонија Незарим, со што во целост ќе заврши израелското повлекување од окупираните територии во Појасот Газа.

Израелските сили започнаа изутрината со евакуација на еврејската колонија Незарим, со што во целост ќе заврши израелското повлекување од окупираните територии во Појасот Газа.

Израелското државно радио јави дека голем воен конвој навлегол во Појасот Газа од територијата на Израел и се движи кон Незарим, мала колонија стационирана блиску до градот Газа.

Евакуацијата на неколкуте десетици еврејски семејства се очекува да мине мирно. Паралелно со ова, Израел започна со уривање на куќите во евакуираните подрачја, како втора етапа од планот за повлекување.

Булдожери од утринава ги уриваат еврејските куќи во селата Нисанит, Дугит, Пеат Саде и Ганеј Тал. Тоа е дел од израелско – палестинскиот договор, според кој, сите домови во вкупно 21 еврејски населби треба да бидат разурнати, а на нивно место палестинските власти ќе изградат високи згради со цел да го решат проблемот со пренаселеноста во Појасот Газа.Таму живеат околу 1,3 милиони Палестинци што е најгусто населен реон во светот.

Од вторник, Израел треба да почне со евакуација и на селата Хомеш и Санур,две од вкупно четирите еврејски колонии на Западниот Брег на реката Јордан.

Според израелското воено радио, таму се стационирани околу 2,000 еврејски противници на повлекувањето, кои според силите за безбедност, нема да бидат толерирани.

Населението во другите две еврејски села на Западниот Брег – Ганим и Кадим уште минатата недела ги напушти домовите./крај/бгнес/ег/