Спасувачки акции се во тек во дел до земјите на средна и источна Европа, поради обилните врнежи што во изминатите три дена одземаа човечки животи и предизвикаа материјални штети.

Спасувачки акции се во тек во дел до земјите на средна и источна Европа, поради обилните врнежи што во изминатите три дена одземаа човечки животи и предизвикаа материјални штети. Две лица загинаа во деновите на викендот во Австрија при излевање на реки на југот на државата. Во Грац состојбата е загрижувачка и во очекување на нови врнежи се мобилизирани стотици пожарникари, полицајци и војници. Во западна Унгарија поради поројните дождови воз излетал од шините, но за среќа нема повредени. Властите предвидуваат дека ќе бидат потребни повеќе од милион евра за санација на штетите на илјадници куќи, предизвикани од поплавите и излевањето на реките. Во Унгарија стравуваат од нови штети бидејќи се најавени врнежи до среда. Двајца пожарникари загинаа ноќеска во Швајцарија, во моменти кога врв нив се урна голема количина земја и кал , при обид да го санираат свлечиштето на земјиштето во близината Луцерн. Дождот од последните денови во Швајцарија доведе до затворање на железничките пруги во централните делови на земјата и до прекин во снабдување со екелктрична енергија. Неколку села во подножјето на Алпите се изолирани. Бугарските спасувачки служби се мобилизирани за да помогнат близу главниот град Софија и во источните делот од земјата каде илјадници луѓе останаа без покрив над главите. “Војска ги откажа предвидените воени вежби за да им помогне на унесреќените“, објави телевизијата БТВ. „Војската до крајот на октомври треба да подигне 70 километри брани, да ги исчисти реките во дложина од 58 километри, да ги реконструира патиштата, мостовите и куќите“, објави министерот за одбрана Веселин Близнаков. Дождот, поплавите и лизгањето на земјиштето тешко погодија и делови од Турција када четири лица загинаа, во црноморската покраина Риза. Поројните дождови деновиве ги погодија североисточните делови на Турција./крај/хн.ил