Uncategorized
Израел одобри разместување египетски војници на границата
Израелска влада го одобри планот за распоредување на 750 египетски војници на границата меѓу појасот Газа и Египет, со цел спречување на криумчарење на оружје на палестинска територија.
Израелска влада го одобри планот за распоредување на 750 египетски војници на границата меѓу појасот Газа и Египет, со цел спречување на криумчарење на оружје на палестинска територија.
Разместувањето на египетските сили се смета за клучно за планот на повлекување на израелската војска од граничниот појас, познат и под името патот “Филаделфија”, што се протега долж границата меѓу Египет и појасот Газа. Израелски власти најавија дека ќе ја повлечат војската од појасот Газа до средината на септември.
Израел и Египет претходно постигнаа договор за нов безбедносен режим во пограничното подрачје. Тел Авив страхува дека екстремистите ќе се обидат да го искористат израелското повлекување од појасот Газа за криумчарење на оружје и експлозив за нови напади на цели во Израел.
Договорот предвидува египетските војници да ја преземат од израелските граничари одговорност за безбедноста на тоа подрачје./крај/он/ил/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Северина објави нови фотографии од Малдивите, позира во костим за капење
Северина објави нови фотографии на Инстаграм од плажа на Малдивите каде што отпатува неодамна.
Таа позира во костим на капење, а покрај фотографиите, ги напиша стиховите од песната „Аритмија“ која ја сними со босанските рапери.
Таа претходно позираше во розов лелеав долг фустан од Макс Мара, чија цена на веб-страницата е околу 2.800 евра.
Uncategorized
Фатени бегалци од затвор барани со потерници
На 02.01.2025 околу 02 часот полициски службеници од Секторот за меѓународна полициска соработка- Отсек потраги и СВР Тетово во Тетово ги лишија од слобода Е.З. (24) од с. Грчец, скопско и А.О. (24) од с. Грчец, скопско, кои биле барани со потерници по наредба на Основен суд Скопје 1 поради бегство од КПУ Затвор Скопје.
Е.З. е осуден на казна затвор во траење од пет години за сторено кривично дело по чл.215 ст.3 во врска со ст.1 од КЗ, а А.О. на казна затвор од три години за сторено кривично дело по чл.215 ст.1 од КЗ.
Лицата ќе бидат предадени на надлежната казнено поправна установа.
Uncategorized
Автомобил удри во заштитна ограда кај Градско, повредени две жени
На регионалниот пат Градско-Неготино во близина на мостот на Црна река, автомобил со велешки регистарски ознаки, управувано од Т.П.(47) од Градско, удрило во заштитна метална ограда.
Во несреќата со тешки телесни повреди се здобила сопатничката Н.М.(57), а со телесни повреди се здобила сопатничката Б.П.(45), двете од Градско, констатирани во болницата во Велес.
Извршен е увид.