Uncategorized
Почнуваат разговорите за реформи на Обединетите нации

Работна група составена од триесетина земји денеска во седиштето на Обединетите нации треба да почне интензивни преговори за најавените реформи на светската организација, за кои потоа би гласало Генералното собрание, кон средината на септември.
Работна група составена од триесетина земји денеска во седиштето на Обединетите нации треба да почнат интензивни преговори за најавените реформи на светската организација, за кои потоа би гласало Генералното собрание кон средината на септември.
Земјите – членки на Обединетите нации дадоа согласност за составот на работната група што ја предложи претседателот на Генералното собрание Жан Пинг.
“Составот на групата е одобрен и ние сега почнуваме со работа“, изјави Пинг.Тој додаде оти формирањето на работната група било неопходно за да се забрзаат преговорите за постигнување договор за седум важни прашања за кои се уште не постои согласност меѓу членките на светската организација.
Работната група, покрај другите, ја сочинуваат претставници од неврзаните земји, од Африканската унија и од Европската унија.
Нејзината работа, како што најави Пинг, ќе биде транспарентна и секоја членка на ОН ќе може да интервенира при нејзиниот ангажман.
Групата ќе работи врз основа на нацрт- текстот што до државите – членки на ОН го достави Пинг.
Меѓу седумте главни теми за ќе се разговара во наредните неколку седмици се тероризмот и неговото дефинирање, разоружувањето и не ширењето оружје за масовно уништување, судбината на дискредитираната Комисија за човекови права, одговорноста да се заштитат популациите на кои им се заканува геноцид, формирање комисија за зацврстување на мирот, реформи на ОН и развој.
Некои делегации во ОН се загрижени во успехот на Генералното собрание откако американската делегација го претстави нацрт-текстот на Жан Пинг во видно изменета верзија од која, на пример, е исфрлен делот за обврските на меѓународната заедница усвоени на Милениумскиот самит во 2000 година што се однесуваат на борбата против сиромаштијата.
Од друга страна, генералниот секретар на ОН Кофи Анан во неколку наврати најавуваше дека една од главните цели на Генералното собрание е токму јакнењето на борбата против сиромаштијата во светот./крај/б/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.