Uncategorized
Продолжуваат преговорите за реформи
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3872.jpeg)
Амбасадорите на земјите членки на ООН, викендов, водат маратонски преговори во врска со подготовката за Генералното собрание на Светската организација, каде за две недели, ќе биде презентиран конечниот нацрт-документ за симболот на колективната безбедност.
Амбасадорите на земјите членки на ООН, викендов, водат маратонски преговори во врска со подготовката за Генералното собрание на Светската организација, каде за две недели, ќе биде презентиран конечниот нацрт-документ за симболот на колективната безбедност.
Работната група, составена од 32 земји-членки, сепак, се уште не постигнала консензус околу главните теми, меѓу кои се реформите на комисијата за човековите права, формирање комисија за одржување на мир, борба против тероризмот, развојот, разоружување и неширење на оружје за масовно уништување и заштита на народите на кои им се заканува геноцид.
“Една од дефинициите на лудило е кога упорно работите една иста работа, а секој пат очекувате други резултати. Моментно, имаме кризна ситуација“, изјави пакистанскиот амбасадор при ООН Мунир Акрам.
Генералниот секретар на организацијата Кофи Анан, претходно, изрази уверување дека од 14. до 16.септември, на Самитот на 175 лидери на светот, ќе биде усвоена опсежна реформа на Светската организација, што ја предложи на почетокот од годинава, а која би довела до најголеми промени во ООН од формирањето во 1948 година.
Богатите држави ветија дека ќе ја усвојат програмата за развој на сиромашните и на земјите во развој, но Западот, за возврат, побара поддршка во борба против тероризмот, почитување на човековите права и поддршка на реформите на ООН како одговор на серија скандали што во последно време ја тресат Светската организација.
Според претседателот на Генералното собрание на ООН Жан Пинг, инаку шеф на дипломатија на Габон, до вторник и среда ќе биде составен новиот нацрт-документ кој би ги зел предвид сите досегашни забелешки, што значи дека маратонските преговори продолжуваат./Крај/бе/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Таравари: Објавен тендер за компресорите во хируршките сали, кои не работат
![](https://makfax.com.mk/wp-content/uploads/2024/04/taravari-2.jpg)
Во моментот се работи и на изнаоѓање решение за дигитализација во здравството, како и за унапредување на дигиталната инфраструктура.
Uncategorized
Заев и Ципрас му врачија на награда на Нимиц: „Ни порача да го чуваме и целосно да го имплементираме Преспанскиот договор“
![](https://makfax.com.mk/wp-content/uploads/2024/06/417400123_1017893746366028_3755524781773534094_n.jpg)
Експремиерите Зоран Заев и Алексис Ципрас му ја врачија Наградата за мир Преспа на поранешниот медијатор Метју Нимиц, најавувајќи дека традиционално оваа награда ќе се доделува секоја година на денот кога се одбележува Преспанскиот договор.
„Нимиц имаше трпение повеќе од две децении од својот живот да посвети на барање решение за спорот за името. Со неговата поддршка и посветеност изградивме меѓусебна соработка и дојдовме до решение не само за името, туку отворивме порта за соработка за двете земји за подобра иднина на нашите народи, но и за иднината на регионот. Му благодарам на амбасадорот Метју Нимиц кој ни помогна да стигнеме до решение кое денес е модел за решавање многу спорови“, напиша Заев на социјалните мрежи.
Нимиц им порачал да го чуваат и негуваат Преспанскиот договор и целосно да го имплементираат.
Во Атина се одржа Меѓународна конференција за мир и одржлив развој, по повод шестгодишнината од потпишувањето на Преспанскиот договор.
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.