Уривањето на индонезискиот авион врз градот Медан денеска одзеде 141 живот, соопштија индонезиските власти, додавајќи дека од жртвите 111 биле патници и членови на екипажот, а 30 загинале на земја.

Уривањето на индонезискиот авион врз градот Медан денеска одзеде 141 живот, соопштија индонезиските власти, додавајќи дека од жртвите 111 биле патници и членови на екипажот, а 30 загинале на земја.

Шестмина патници ја преживеале несреќата, а местото каде што се урна авионот од типот боинг 737-200 на компанијата Мандала Ерлајнс веднаш беше зафатен од пожар.

Според претставникот на компанијата десетици повредени лица се префрлени во околните болници, а меѓу загинатите е и гувернерот на провинцијата Северна Суматра.

Авионот на Мандала ерлајнс што падна денеска веднаш по полетувањето од градот Медан бил стар 25 години, а последниот поголем сервис му бил извршен во јуни годинава.

Мандала ерлајнс, која се соочува со финансиски проблеми, во својата флота има 15 авиони, од кои повеќето се од типот боинг 737-200.

Денешната авионска несреќа е шеста во последните дваесетина денови. Во несреќите во Перу, Венецуела, Грција и Тунис загинаа вкупно 334 луѓе. Во август несреќа без жртви имаше и на француски авион, кој се запали при слетувањето во Торонто.

Последната авионска несреќа во Индонезија се случи во февруари годинава, кога на Јава се урна помал авион, при што загинаа 26 луѓе.

Најтешката воздухопловна несреќа во Индонезија се случи во септември 1997 година која ербас на компанијата Геруда удри во планина недалеку од местото на денешната несреќа. Тогаш загинаа 232 лица./крај/ста/м