Контакт

Uncategorized

Нафтата скокна на 135 долари за барел

Објавено пред

Цената на нафтатапродолжува со галопирачко темпо да расте, искачувајќи се на синоќешнототргување на берзата во Њујорк на неверојатни 135 долари за барел.

dobivaj vesti na viber

Цената на нафтатапродолжува со галопирачко темпо да расте, искачувајќи се на синоќешнототргување на берзата во Њујорк на неверојатни 135 долари за барел.

Како што извести телевизиската мрежа Си-Ен-Ен,американската лесна нафта на електронското тргување за испорака во јулидостигна цена од 135,04 долари за барел.

Најновото покачување нацената на нафтата уследи, откако американската влада неочекувано објави дека сенамалиле нејзините резерви на сирова нафта, што предизвика страв од притисокврз понудата.

Американската Управа заенергетски информации објави дека залихите на сировата нафта за една недела сенамалиле за 5,4 милиони барели.

Со ова најново покачување, цената на нафтата самоод почетокот на годината поскапеле за 34 отсто. Просечната цена на нафтата воизминатата година изнесуваше 64,20 долари за барел, а во јануари 2007 сепродаваше за 55,43 долари за барел. /крај/х/ап/

Copyright

2008

makfax

. Сите права се задржани. Текстов не смее да се печати илиемитува, во целина или во делови, без договор со makfax.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized

Никоски: Најекономично и најисплатливо справување со отпадот е ако државата се подели на пет региони со пет депонии

Објавено пред

Справувањето со отпадот, како едно од најаткуелните прашања, е возможно исклучиво со поставување и профункционирање на регионалениот систем за управување со отпадот, вели директорот на Управата за животна средина, Игор Никоски. Стручните пресметки и анализи покажале дека најекономично и најисплатливо е групирањето на општините и регионите во државата во 5 регионални системи за управување со отпадот, со 5 регионални санитарни депонии.

dobivaj vesti na viber

Источен Регион и Североисточен Регион – Мечкуевци во Свети Николе, Полошки Регион – Русино, општина Гостивар, Пелагониски Регион – Југозападен Регион – Мегленци, општина Новаци, Вардарски Регион – Југоисточен Регион – Доброшинци, општина Василево и Скопски Регион – Дрисла, Скопје.

„За Источниот и за Североисточниот Регион објавен е тендерот за изградба на централна постројка за управување со отпадот за двата региона во Свети Николе, како и изградба на 6 претоварни станици во Куманово, Ранковце, Штип, Виница, Македонска Каменица и во Берово. Паралелно ќе се одвива градбата на претоварните станици и на регионалната депонија. Додека не се изгради целиот систем, нема да се пушти во работа централната инсталација за управување со отпадот, односно телото на депонијата, постројката за механичко-биолошки третман, пречистителната станица, линијата за селекција и така натаму“, вели директорот Никоски.

Спроведени се активности за затварање на нестандардните депонии и ѓубришта. Во зависност од количината на отпадот, предвидени се три начини за справуавње со депониите.

Најмалите ѓубришта ќе бидат, едноставно, исчистени и отпадот ќе биде однесен на друга блиска непрописна депонија.

Одредени непрописни депонии ќе бидат преобликувани, отпадот ќе се компактира, ќе бидат прекриени со одредени слоеви, кои ќе ја вршат улогата на собирање депониски гас, ќе се собира депонискиот исцедок, ќе се изгради систем за собирање на површинските води, како и дренажен систем, финално запечатување на депонијата, како и раззеленување на последниот слој, На ваквите места Никоски вели дека ќе бидат поставени ограда и влезна капија, ќе бидат изведени сервисни сообраќајници и мерни места за земање примероци за мониторинг на квалитетот на водите и гасот. Оние непрописни депонии што ќе го прибираат отпадот, пак, сѐ до почнување со функционирање на меѓурегионалниот систем за управување со отпадот, ќе се извршат некои од горенаведените операции, без финално затворање и тие ќе останат во функција. „За конечно затворање на овие непрописни депонии, предвиден е друг проект (II фаза), кој ќе се реализира по изградбата на регионалната депонија во Мечкуевци, општина Свети Николе, а планиран во рамките на ИПА III. Обврската за одржување на исчистените локации останува на секоја општина во согласност со договорот потпишан со МЖСПП“, вели директорот Никоски.

Пари за овој проект се обезбедени од ИПА-фондовите и со национално кофинансирање. За Полошкиот Регион – Русино и за Пелагонискиот и за Југозападниот Регион – Мегленци, општина Новаци, проектите се реализираат со средства од заемот од ЕБРД. Никоски вели дека е пред крај подготовката на тендерската документација и се очекува во најбргу што може да се објават тендерите за градба, односно за реконструкција на регионалниот систем за управување со отпадот – Русино во Полошкиот Регион и претоварна станица во Тетово, претоварни станици во Дебар, Охрид и во Прилеп и затворање на депонијата во Новаци и надзор над работата.

Во моментот во тек е тендер за набавка на возила и контејнери за општините од Пелагонискиот и од Југозападниот Регион.

За Вардарскиот и за Југоисточниот Регион – регионална депонија во Доброшинци, во тек е тендерска постапка за изработка на плански документи, која исто така е финасирана со заемот од ЕБОР.

За Скопскиот Регион – Дрисла, пак, тече постапка за избор на консултант, кој треба да ги подготви сите неопходни документи за развој на депонијата „Дрисла“ и за воспоставување на регионалниот систем за Скопскиот Регион. Постапката за избор ја води ЕУ-делегација и целиот проект ќе биде финасиран со грант-средства од ЕУ.

Прикажи повеќе...

Uncategorized

Основачот на OpenAI: Светот би можел да влезе во сериозна криза со измами

Објавено пред

Шефот на OpenAI, Сем Алтман, предупреди дека светот наскоро би можел да влезе во сериозна криза со измами поради начинот на кој вештачката интелигенција им овозможува на злонамерните актери да се претставуваат како други.

dobivaj vesti na viber

„Едно нешто што ме ужаснува е тоа што сè уште постојат финансиски институции кои дозволуваат само гласовна верификација на идентитетот. Ќе кажете фраза и тие одобруваат трансфер на пари. Тоа е лудо“, рече Алтман на настан организиран од централната банка на САД, додавајќи дека вештачката интелигенција веќе ги надминала повеќето постоечки методи за верификација на идентитетот – освен лозинките.

Во разговор со претставници на големи американски финансиски институции, Алтман зборуваше за поширокото влијание на вештачката интелигенција врз економијата и општеството. Неговото појавување доаѓа пред објавувањето на „Акцискиот план за вештачка интелигенција“ на Белата куќа, документ што ќе ја дефинира политиката на САД кон регулирање на технологијата и зајакнување на американската доминација во областа на вештачката интелигенција.

OpenAI веќе даде препораки за тој план и го засили својот ангажман во Вашингтон. Компанијата објави дека ќе ја отвори својата прва канцеларија во главниот град на САД на почетокот на следната година. Таму ќе работат околу триесет луѓе, а канцеларијата ќе ја водат Чан Парк, раководител на глобалните прашања за САД и Канада, и Џо Ларсон, кој доаѓа од одбранбената компанија Anduril.

Новата канцеларија ќе служи и како простор за едукација на службеници и наставници, презентација на нови технологии, но и истражување на влијанието на вештачката интелигенција врз економијата и достапноста на технологијата.

Иако Алтман е отворен за ризиците, OpenAI се спротивставува на прекумерната регулација што би можела да ја наметне администрацијата на Трамп. На почетокот на јули, Сенатот гласаше за отстранување на контроверзната одредба од законодавниот пакет на претседателот со која ќе им се забрани на сојузните држави да донесуваат свои закони за вештачка интелигенција десет години.

Алтман не е сам во своите загрижености дека вештачката интелигенција ќе поттикне бран софистицирани измами. ФБИ минатата година предупреди за измами со клонирање глас и видео. Неколку родители пријавија измами во кои напаѓачите користеле вештачка интелигенција за да ги убедат дека нивните деца се во неволја.

Неодамна, американските власти предупредија дека некој користел вештачка интелигенција за да го имитира гласот на државниот секретар Марко Рубио и контактирал со министри за надворешни работи, гувернер и конгресмен.

„Навистина сум загрижен дека нè очекува голема криза со измами“, рече Алтман. „Денес е гласовен повик, наскоро ќе биде видео повик или FaceTime повик што нема да можеме да го разликуваме од реалноста.“

Тој истакна дека OpenAI не развива такви алатки за имитирање на луѓето, но предупреди дека светот ќе мора брзо да се соочи со предизвикот. Тој го поддржува The Orb, уред кој има за цел да понуди „доказ дека сте човек“ во дигитален простор кој е сè повеќе загаден со содржина од вештачка интелигенција.

Алтман, исто така, се осврна на потенцијалот за злоупотреба на таканаречените „суперинтелигентни“ системи од вештачка интелигенција. Тој рече дека е загрижен за идејата непријателски држави, како Кина, да развиваат и експлоатираат такви системи пред остатокот од светот да биде подготвен да се одбрани. Тој ја наведе можноста за напад врз американската електрична мрежа или создавање биолошко оружје со употреба на вештачка интелигенција како примери.

Тој е исто така загрижен за можноста луѓето да ја изгубат контролата врз суперинтелигентните системи или да им дадат премногу моќ за донесување одлуки.

Фото: принтскрин

Прикажи повеќе...

Uncategorized

(Видео) Ги испробала сите можни диети и тврди дека само едно нешто ѝ помогнало

Објавено пред

Д-р Бетси Гранч, неврохирург, целиот свој живот имала прекумерна тежина, а во еден момент тежела околу 104 килограми (вели таа во видеото).

dobivaj vesti na viber

Во нејзината потрага по поздрав живот, таа пробала различни диети – од оние што ги видела на реклама до оние што самата ги истражувала.

Ниедна од нив не ѝ ги дала резултатите што ги сакала, но кога искомбинирала две диети, се случила трансформација. Докторката изгубила неверојатни 34 килограми и сега тежи околу 70 килограми (како што изјави во видеото).

Таа го сподели своето искуство за да им помогне на сите што сакаат да направат промена. Прво јадела храна богата со протеини, а потоа се посветила на повремен пост – диета на која се колнат познатите личности.

Тоа вклучува периоди во кои ви е дозволено да јадете што сакате, но и оние во кои пиете само вода, незасладено црно кафе или чај.

„Еден од најголемите виновници за дегенеративните промени во ‘рбетот е телесната тежина. Ми недостасуваше едукација за исхраната и тоа се гледаше на мојата фигура“, рече докторката, која имаше големи проблеми со грбот поради нејзината тежина. Таа откри дека 2018 година била пресвртница во нејзиниот живот. Одлучила да ослабе и успеала во таа намера.

Повремен пост
Голем број студии сугерираат дека повремениот пост не функционира за секого, но може да има здравствени придобивки. Им помага на луѓето да постигнат одреден калориски дефицит што е неопходен за губење на тежината.

Таа првично следела диета со висока содржина на протеини.

Протеините се добри за слабеење бидејќи ве одржуваат сити подолго време. Јадела интегрални житарки и малку јаглехидрати.

Потоа ги броела калориите. Секогаш се обидувала да биде во калориски дефицит, ѝ било тешко да премине од три оброци дневно на два, но го решила тој проблем со пиење повеќе вода.

Откако ослабела 34 килограми, д-р Гранч имала операција за отстранување на вишокот кожа. Таа објаснила дека верува дека тој начин на размислување е клучен за процесот на слабеење.

Нејзината цел била да успее без лекови или апчиња за слабеење, и таа успеала – бројката од 104 килограми на вагата е минато.

Фото: принтскрин

Прикажи повеќе...

Најново

Македонија1 час

Надлежните се борат со 11 активни пожари: Гори кај Прилеп, Македонски Брод, Штип

Според најновите информации, на територијата на државата се евидентирани вкупно 25 пожари на отворен простор. Од нив, 11 се сѐ...

Македонија2 часа

(Видео) Грета Тунберг по Тетово стигна во Скопје, ќе дискутира за империјализмот и ќе протестира за спас на Дошница

Еко-активистката Грета Тунберг преку видео-обраќање на Инстаграм соопшти дека се наоѓа во Скопје и дека ќе учествува на неколку настани...

Македонија3 часа

Се’ уште се трага по девојчето кое го одвлече Вардар – 29-годишната соселанка се обидувла да го извлече од водата

Прпиадници на полицијата, армијата, нуркачи, кајакари се во интензивна потрага по 16-годишното девојче од селото Уланици, Градско, кое вчера беше...

Топ5 часа

Влегол на Онкологија и крадел од пациентите – притвор за 60-годишник

Скопското Обвинителство поведе постапка против 60-годишник осомничен за тешка кражба. Кражбата ја извршил на Клиниката за радиотерапија и онкологија, каде...

Македонија5 часа

Мицкоски: Ќе ме прогласат за конзервативен, но за мене создавањето семејство е патриотизам, следната година ќе има поробусна акција од сегашната

Уште поробусна акција за подобрување на демографската слика на земјава најави премиерот Христијан Мицкоски за следната година во споредба се...

Македонија9 часа

Со 130 илјади евра ќе се спасува инвестицијата на Калето од 4,6 милиони евра: од 2026 музеите ќе бидат пуштени во употреба

Стотина сезонски работници од општините Кисела Вода, Бутел, Ѓорче Петров, Аеродром и Гази Баба утрово ја искосија тревата и ги...

Топ9 часа

55-годишен скопјанец пронајден починат во водите на Охридското Езеро

Вчера во 12.15 часот во ОВР Струга било пријавено дека во водите на Охридското езеро на струшкото крајбрежје било забележано...

Македонија9 часа

Коцевски ги отфрла наводите во интерпелацијата: Функцијата ја вршам чесно и одговорно

Функцијата ја вршам чесно и одговорно, со максимално почитување на начелата на транспарентност и отчетност, одговори јавниот обвинител Љупчо Коцевски...

Македонија10 часа

Претседателката на антикорупциската, Татјана Димитровска, поднесе оставка

Кабинетот на претседателот на Собранието информира дека претседателката на Државната комисија за спречување на корупцијата (ДКСК), Татјана Димитровска, денес до...

Македонија10 часа

Продолжува пoтрагата по 16-годишното девојче, кое потона во реката Вардар

Центарот за управување со кризи извести дека од рано изутрината на самото место се ангажирани припадници на МВР, специјалната единица...

Македонија11 часа

(Фото) Канабис, луксузна облека и цигари запленети на граничните премини – спречен влез на мигранти

Царинските службеници на граничните премини и мобилните царински тимови при Секторот за контрола и истраги во текот на изминатите денови...

Македонија11 часа

Арсовска до Меџити: Тоа е таа насмевка кога успеваш за криминал и за перење 225 милиони евра црни пари ниеден новинар да не ти постави прашање

„Тоа е таа насмевка кога успеваш за криминал и за перење 225 милиони евра црни пари преку дивоградби ниеден новинар...

Македонија11 часа

Седум активни пожари во земјата

Центарот за управување со кризи извести дека во последниот ден, до 8 часот утрово, во земјава се евидентирани вкупно 33...

Македонија12 часа

Бујар Османи во ОБСЕ беше гласноговорник на интересите на Вучиќ, а не на граѓаните на Косово, велат од „Вреди“

„Вреди“ сериознo ја потенцира улогата на Бујар Османи како претседавач со ОБСЕ, особено неговите последни активности поврзани со ” планот...

Топ13 часа

Кривична пријава против директорка на Специјализираната болница – Отешево: ја злоупотребила службената положба

СВР Битола поднесе кривична пријава против 68-годишната А.П. од Битола поради постоење основи на сомнение за сторено кривично дело „злоупотреба...

Свет13 часа

Стармер: Страдањето и гладот што се случуваат во Газа се неописливи

Британскиот премиер Кир Стармер изјави дека страдањето и гладот што се случуваат во Газа се „неопислива и неоправдана“ хуманитарна катастрофа....

Свет15 часа

Франција: Ќе ја признаеме палестинската држава во септември; САД: Непромислена одлука

Американскиот државен секретар Марко Рубио вчера изјави дека Вашингтон го отфрлил планот на францускиот претседател Емануел Макрон за признавање на...

Свет15 часа

Тајландската војска: Камбоџа нè бомбардира, ние одговоривме

Војската на Тајланд денеска соопшти дека судирите меѓу тајландските и камбоџанските трупи продолжиле, при што Камбоџа користела тешко оружје, вклучувајќи...

Свет15 часа

(Видео) Илјадници демонстранти во Тел Авив, бараа прекин на огнот во Газа

Илјадници демонстранти се собраа вчера вечер на плоштадот Хабима во Тел Авив, барајќи итен прекин на огнот во Појасот Газа...

Македонија15 часа

Метеж на Табановце и на Богородица, се чека 40-ина минути

Сообраќајот на државните патишта се одвива по суви коловози. Интензитетот на сообраќај на патните правци надвор од градските средини е...