Идејата за обединување на Русија и Казахстан, со што би се создала држава која би опфатила над 80 проценти од територијата на некогашниот Советски сојуз, се разгледува во Кремљ.

Идејата за обединување на Русија и Казахстан, со што би се создала држава која би опфатила над 80 проценти од територијата на некогашниот Советски сојуз, се разгледува во Кремљ.

За ова, не наведувајќи извор, пишува руското списание „Финанс“, додавајќи дека создавањето нова држава е можност Владимир Путин да ја задржи лидерската позиција.

Откако не се реализира идејата за обединување со Белорусија, поради неподобност и диктаторското владеење на претседателот Александар Лукашенко, во Кремљ се разгледува идејата за здружување со Казахстан, пишува „Финанс“.

Оваа држава се смета за доволно либерална за условите што владеат во Азија и како таква е прифатлива за Запад, до чие што мислење држи и Москва.

Во почетокот на декември треба да се одржат претседателски избори во Казахстан и се очекува нов мандат од 7 години да добие сегашниот лидер Нурсултан Назарбаев. Тој, според списанието „Финанс“ би се согласил да биде потпретседател, доколку Владимир Путин сака да ја задржи лидерската позиција.

Рускиот претседател Путин минатата недела во разговор со граѓаните преку телевизиските екрани, повтори дека е неприфатливо да го менува Уставот за да се кандидира по трет пат за шеф на државата. /крај/б/р