Италијанскиот Оддел на меѓународната организација за човекови права Амнести Интернешнл (АИ) побара истрага по повод нехуманиот третман на илегалците кои од Африка пристигаат во таа земја.

Италијанскиот Оддел на меѓународната организација за човекови права Амнести Интернешнл (АИ) побара истрага по повод нехуманиот третман на илегалците кои од Африка пристигаат во таа земја.

Угледниот неделник “Л’Еспрессо”, како што пренесува Макфакс, објави шокантна сторија за кампот за привремен престој на илегалците, на островот Лампедуза, откако нивни новинар под лажен идентитет се инфилтрирал меѓу илегалците и поминал една недела во крајно мизерни услови.

Според извештајот, кампот претставува “вистински пекол” каде се спроведуваат психолошки тортури и физички малтретирања врз илегалците.

Новинарот на “Л’еспрессо” тврди дека силите за безбедност ги понижуваат африканците, ги принудуваат да живеат во деградирачки услови, нехигиена и измет.

Откако ќе пристигнат на островот, ги соблекуваат голи и ги тепаат, муслиманите ги тераат да гледаат порно филмови и повторно ги тепаат доколку одбијат, пишува неделникот.

По осум дена насилство и испрашувања, новинарот бил пуштен од кампот со потврда во која пишува дека мора да ја напушти Италија, “оставајки го слободно да замине во било која европска метропола, коментира весникот ’Корриере дела Сера“./крај/ст/