Uncategorized
Убиени 50 бунтовници во Налчик – се уште има спорадични престрелки
Околу 50 бунтовници, како и 12 цивили се убиени при нападот извршен денеска врз силите за безбедност во Налчик, главниот град на Кабардино-Балкариа, соопшти претседателот на оваа јужна руска република Арсен Каноков.
Околу 50 бунтовници, како и 12 цивили се убиени при нападот извршен денеска врз силите за безбедност во Налчик, главниот град на Кабардино-Балкариа, соопшти претседателот на оваа јужна руска република Арсен Каноков.
Според руските информативни агенции, во нападите врз речиси сите витални цивилно – воени пунктови во градот, учествувале околу 300 вооружени бунтовници.
Руските безбедносни сили по неколкучасовни борби го одбиле нападот, иако, според извештаите од теренот, и натаму се водат спорадични престрелки.
“Продолжува престрелката во полициската зграда во Налчик во која бунтовниците се забарикадирани на вториот кат“, соопшти попладнево Генералштабот на руската полиција. Бунтовниците држат во заложништво неколку полицајци.
Во Налчик е испратен заменикот јавен обвинител на Русија Владимир Колесников, кој има задача да почне истрага за обидот на бунтовниците да ја преземат власта во престолнината на Кабардино – Балкариа.
Оваа задкавкаска република се граничи со Северна Осетија, Ингушија, реонот на Ставропол и Грузија. Големината на територијата е колку половина Македонија а според последниот попис во неа живеат околу 780 илјади луѓе. При тоа, 50 отсто се Кабардијци, 10 отсто Балкари, 32 отсто се Руси и 8 отсто други.
Републиката е богата со вода и шуми, а од индустрија има развиена обоена металургија, хемиска индустрија, воено-индустриски комплекс и производство на електрична енергија /крај/риа.ит/ег/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Германија подготвува список на бункери за итни засолништа за цивили, соопшти полицијата
Германија подготвува список на бункери кои би можеле да обезбедат итно засолниште за цивили, соопшти германското МВР.
Ќе се состави дигитална листа на бункери и засолништа за итни случаи за луѓето да можат брзо да ги најдат со помош на апликација за телефон.
Апликацијата е планирана да им овозможи на граѓаните да најдат засолниште за итни случаи на места како што се подземни железнички станици и паркинзи, јавни и приватни згради, објави Гардијан.
Uncategorized
Ангеловска-Бежоскa: Извозот на услуги станува сѐ позначаен двигател на економскиот раст
Со трговска отвореност од над 150% од БДП и извоз на стоки и услуги од над 70% од БДП, нашата економија е пример за мала и отворена економија успешно интегрирана во глобалните трговски текови. Притоа, извозот на услуги станува сѐ позначаен двигател на економскиот раст и поддршка на платнобилансната позиција на економијата со позитивно влијание врз девизните резерви. „Во периодот по 2020 година се забележува раст на извозот на услужниот сектор, особено во делот на компјутерските и деловните услуги. Во делот на ИТ-услугите е забележано удвојување на учеството во БДП во однос на извозот во 2019 година, додека во делот на деловните услуги е забележан пораст од 50%“, посочува гувернерката на Народната банка, Анита Ангеловска-Бежоска во авторскиот текст објавен во петтата годишна едиција „Топ 100 извозници 2024“ на специјализираниот портал Извоз.мк.
Во колумната гувернерката истакнува и дека според индексот за подготвеност за вештачката интелигенција на Меѓународниот монетарен фонд (ММФ), нашата земја е на 77 место од вкупно 174 земји, што укажува на простор за унапредување на нивото на дигиталната зрелост на земјата за вештачката интелигенција, од аспект на соодветноста на човечките ресурси, дигиталната инфраструктура и регулативата во оваа област.
„Еден показател каде што нашата држава е релативно добро рангирана во споредба со земјите од регионот, па и со дел од земјите на ЕУ, е процентот на компании коишто користат вештачка технологија и аналитика на големи бази на податоци (близу 13% од компаниите користат големи бази на податоци (англ. big data), а речиси 10% вештачка интелигенција). Ова укажува на потенцијал за искористување на оваа компаративна предност и задржување на добрите извозни остварувања на услужниот сектор и во иднина“, вели гувернерката Ангеловска-Бежоска.
Гувернерката во текстот укажува и на можните ризици, како дополнителен предизвик за идните остварувања на македонскиот извозен сектор, како геофрагментацијата, влошените очекувања за германската економијата, како наш најважен трговски партнер, како и климатските промени. Гувернерката нагласува дека периодот којшто ни претстои изобилува со предизвици, и за носителите на економските политики, и за економските субјекти, но и можности доколку компаниите успеат брзо и успешно да се приспособат на динамичните промени.
„Јасна е потребата за јакнење на продуктивноста, којашто значително заостанува зад поразвиените економии (за илустрација, продуктивноста на домашната економија е околу 50% во однос на просечната продуктивност на земјите од ЕУ), за подобрување на конкурентниот профил, следење на технолошкиот напредок и за нови инвестиции“, нагласува Ангеловска-Бежоска.
Авторскиот текст на гувернерката е достапен на следнава врска.
Uncategorized
Најмалку 10 лица загинаа во пожар во Шпанија
Најмалку 10 лица загинаа во пожар во дом за стари лица во североисточна Шпанија.
Пожарот избувна рано утринава во домот „Вила Франко де Ебро“, во близина на Сарагоса.
Причината сѐ уште не е позната.