Повеќе од 15 милиони Ирачани денеска одат пеш на гласање на историскиот референдум за новиот Устав што би требало да ја обедини земјата по режимот на Садам Хусеин, иако многумина стравуваат дека уште повеќе ќе ја разедини.

Повеќе од 15 милиони Ирачани денеска одат пеш на гласање на историскиот референдум за новиот Устав што би требало да ја обедини земјата по режимот на Садам Хусеин, иако многумина стравуваат дека уште повеќе ќе ја разедини.

Мерките за безбедност се силни, сообраќајот е забранет, а групи луѓе масовно одат пеш да гласаат во Багдад, Басра, Киркук и во други градови, при што во некои западни подрачја каде трае сунитското востание одзивот на изборите е речиси минимален.

Бирачките места се отворија во седум часот изутринава, а се затвораат во 17 часот. Резултатите се очекуваат за најмногу три дена. Се чини дека гласањето тече мирно, со изолирани инциденти, за разлика од изборите на 30.јануари кога бунтовниците изведоа повеќе од стотина напади, дури и самоубиствени, и убија повеќе од 40 лица, јавуваат светските агенции.

Близу Адхами, место каде за последен пат Садам Хусеин ги поздравуваше жителите како ирачки претседател, неговите сунитски следбеници излегуваат на референдум и гласаат против уставот, кој многумина го сметаат за американски.

Сунитите лојални на Хусеин и муслиманските герилци, “вдахновени“ со насилството на Ал-Каеда и терористичките напади, се обидуваат да ја урнат новата ирачка Влада, што ја има поддршката на САД./Крај/хи/ис