Тиражот на американските дневни весници во периодот април–септември 2005 година опаднал за 2,6 проценти, или најмногу во споредба со кој и да е друг шест месечен период од 1991 година, соопшти американското Биро за евиденција на тиражите.

Тиражот на американските дневни весници во периодот април–септември 2005 година опаднал за 2,6 проценти, или најмногу во споредба со кој и да е друг шест месечен период од 1991 година, соопшти американското Биро за евиденција на тиражите.

Според “Њујорк тајмс“, падот на тиражот на американските весници се должи на тоа што читателите, особено младата популација, се повеќе информациите ги бара преку Интернет, користејќи ги и сајтовите на самите весници или, пак, бесплатните изданија.

Во Соединетите Американски држави тиражот на дневните весници достигна максимум во 1984 година, кога беа регистрирани 63,3 милиони претплатници на 1,688 дневни печатени изданија,

Според податоците на Бирото, вкупниот тираж во септември годинава опаднал на 45,3 милиони за 1,457 весници (при што само половината од весниците доставиле податоци до Бирото).

Од 20-те најголеми американски весници само два – New York Times и The Star-Ledger of Newark бележат пораст на тиражот, но и тоа е скромно од 0,4 односно 0,01 процент.

Според потпретседателот за тираж и маркетинг на Американската асоцијација на весници Џон Мјури, наспроти проблемите поврзани со големите загуби и стагнацијата на приходи од реклами, не е се така мрачно, бидејќи многу од читателите започнале да ги користат сајтовите на весниците.

Во текот на септември, интернет изданијата на весниците ги посетиле над 47 милиони луѓе, што е речиси една третина од сите кои во тој месец користеле Интернет. /крај/бгнес/ег/б