Кина и Русија ќе воспостават “црвен телефон“ преку кој Пекинг ќе ја известува Москва за состојбата со загадената, со токсични материи, река Сунгари во пограничната област на Далечниот исток.

Кина и Русија ќе воспостават “црвен телефон“ преку кој Пекинг ќе ја известува Москва за состојбата со загадената, со токсични материи, река Сунгари во пограничната област на Далечниот исток.

“Двете страни преземаат активности за отворање на црвена линија“, соопшти денеска кинескиот министер за екологија Чанг Лијун, цитиран од агенцијата Ксинхуа.

Водата во Сунгари е загадена со опасни хемикалии по експлозијата пред две недели во една петро-хемиска фабрика во кинеската провинција Џилин, и според извештаите, носи со себе по течението токсична дамка долга 80 километри.

Сунгари е притока на реката Амур, главниот извор за питка вода во руската област Хабаровск, на Далечниот исток.

Тамошните власти соопштија оти од петок ќе воведат вонредна состојба, поради најавите дека токсичната дамка в петок ќе се влее во реката Амур.

 Регионалниот центар на руското Министерство за вонредни состојби соопшти оти речната вода е загадена со отровни хемикалии, бензол и нитробензол, што не може да се исчистат и ги предупреди граѓаните дека ниту топлата, ниту ладната вода не смеат да се користат за пиење, миење или перење.

Локалните власти соопштија дека не се во можност да ја исклучат водата во домовите, бидејќи, како што е објаснето, тоа би довело до замрзнување на целиот водоводен систем.

 Токсичната дамка што плови на површината на Сунгари денеска пристигна до предградието на Харбин, еден од најголемите кинески градови и се очекува до петок попладне да мине низ градот и да трне кон Русија.

  Без вода за пиење во Кина веќе останаа повеќе милиони луѓе, а и населението во руската област Хабаровск е во паника и купува флаширана вода за пиење.

/крај/х/б/ег/б