Uncategorized
Бунтовниците целосно истиснати од Алепо, тргна вториот конвој
Силите на сириската влада и на нејзините сојузнички милиции го завршуваат чистењето на источните населби на вториот по големина град Алепо од бунтовниците, а конвојот од 15 автобуси, кој е втор во четвртокот, со евакуираните бунтовници и нивните семејства трга кон западните покраини, пренесуваат агенциите.
Сириската армија ги потиснала бунтовниците и остатоците од радикалните исламистички групи од сите квартови кои досега ги контролираа. Целосно се ослободени 105-те квартови од градот, со вкупна површина од 78,5 квадратни километри, пренесе државната новинска агенција SANA.
За време на последните жестоки судири за конечно заземање на Алепо, сириската војска ликвидирала 900 бунтовнички борци, кои ги нарекува терористи без разлика дали се припадници на опозициските вооружени групи или на екстремните сунитски исламистички групации, и уништила десетици парчиња тешко вооружување и друга воена опрема, се додава во извештајот. Притоа се истакнува дека авијацијата во Алепо не дејствувала од 18-ти октомври.
Сириската команда објави дека во набрзина напуштените бунтовнички засолништа биле најдени мноштво фотографии и видео снимки од „ѕверски злосторства извршени и снимени од страна на самите терористи“. Подрумите од станбени објекти биле преправени во импровизирани затвори во кои повеќе од затворениците биле егзекутирани пред започнување на офанзивата на владините сили.
Засега не е познат бројот цивили кои треба да бидат евакуирани од Алепо. Сириската државна телевизија соопшти за околу 4.000 бунтовници и членови на нивните семејства. Турскиот вицепремиер Вејси Лајнак на прес-конференција на турско-сириската граница, пак, рече дека „меѓу 80.000 и 100.000 цивили би можеле да треба да бидат евакуирани“.
Евакуацијата на цивилите и борците од последните упориште на бунтовниците во Алепо е дел од договореното примирје и отворањето на коридорите за извлекување на жителите и борците кои ќе го положат оружјето од повеќе од половина година опсадените квартови. Меѓутоа, одредени бунтовнички групи до пред една седмица со поставување експлозивни направи на овие коридори го попречуваа евакуирањето на цивилите.
Сирискиот претседател Башар ал-Асад претходно објави ослободување на Алепо и го нарече „најважниот историски настан“ и го спореди со делењето на историјата пред и по времето на Христа.
„Мислам дека за ослободувањето на Алепо ќе зборуваме: пред ослободувањето на Алепо и по ослободувањето на Алепо“, се наведува ви писмената изјава на сирискиот претседател.
Борбите меѓу владините сили и бунтовничките групи во најголемиот град во Сирија со над 2,2 милиона жители пред војната и дотогашна финансиска престолнина на земјата започнаа во 2012 година. Во втората година од граѓанската војна која започна во март 2011 година, радикалните групации успеаја да ги заземат источните претежно сунитски квартови од градот, додека војската остана да го контролира поголемиот западен дел. Пресвртот во овие судири настана есента 2016 година, кога владините сили, локалните милиции, шиитските доброволци од регионот со поддршка од руската авијација започнаа офанзива за конечно заземање на Алепо.
Со освојувањето на градот, кој исто така е важен сообраќаен јазол во регионот, сириската војска добива можност да продолжи со напредување во северозападниот дел од земјата и да започне офанзива против вооружените групации во соседната покраина Идлиб.
Русија во меѓувреме објави дека ги прекинува воздушните операции во Идлиб каде треба да се евакуираат бунтовниците и нивните семејства од источно Алепо, изјави во четвртокот високиот претставник на ОН во Женева, Јан Егеланд./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Oсмани: Ја победивме албанската опозиција со над 40.000 гласа, да се почитува волјата на народот
Прелиминарните резултати покажуваaт длабока победа на Европскиот Фронт, наспроти албанската опозиција со над 40 илјади гласа, изјави кандидатот за претседател, Бујар Османи, кој според првичните неофицијални резултати е пред неговиот опонент од албанскиот опозициски блок, Арбен Таравари.
„Оваа победа само докажува дека Европскиот фронт станува една голема локомотива за европската иднина на нашата држава“, рече Османи, додавајќи дека волјата на народот е јасна и треба да се почитува од сите.
Како што додаде, резултатите покажуваат дека се уште имаме поделено општество, притоа нагласувајќи дека Албанците, Турците, Бошњаците, Ромите кажале дека самите одлучуваат за својата иднина и никогаш нема да дозволат некој друг да одлучува за нив.
Приврзаниците на ДУИ вечерва се собраа на плоштадот „Скендербег“ во Скопје за да ја слават објавата на првичните неофицијални резултати од првиот круг.
Uncategorized
Демири, Ставридис, Ди Џовани и Јохансен: Бележиме зголемување на опфатот со вакцинација, но сè уште е под препорачаните 95 отсто
Министерот за здравство д-р Илир Демири, специјалната претставничка на СЗО во земјава, д-р Ане Јохансен, претставничката на УНИЦЕФ за Република Северна Македонија, Патриција ДиЏовани и д-р Кети Ставридис од Институтот за јавно здравје, одржаа заедничка прес-конференција, на која информираа за опфатот со имунизација во државата по повод одбележување на Европската недела за имунизација.
Демири, потенцираше дека Министерството за здравство со поддршка на УН агенциите презема повеќе активности за одбележување на Европската недела на имунизација.
-Се организира акција која веќе е во тек, таканаречена „спринт за имунизација“, каде над 70 тимови на доктори и медицински сестри ќе излезат на терет и ќе посетат над 3.000 семејства на невакцинирани деца со фокус на вакцинација за пертусис и морбили. Исто така, Министерството за здравство од Програмата за имунизација обезбеди средства за сите вакцинални пунктови при здравствените домови низ Македонија достојно да ја одбележат неделата за имунизација со настани поврзани за прмоција, рече Демири.
Тој апелираше до родителите да ги вакцинираат децата, затоа што високиот опфат на вакцинација на соодветна возраст, создава колективен имунитет.
-Со редовна вакцинација ги заштитуваме децата, најблиските и пошироката заедница од тешки заразни заболувања. Вакцините се апсолутно безбедни, а со воведувањето на вакцинацијата како мерка за заштита од заразни болести се постигнати најдобрите резултати во историјата на медицината“, изјави Демири.
Д-р Ставридис ги презентираше најновите бројки во однос на стапката за вакцинација во 2023 година, од што може да се констатира дека опфатот со задолжителните вакцини во земјава сè уште е под препорачаните 95% и за сите вакцини е под 90 отсто.
-Во нашата земја по дваесет години, првпат во 2020 година, е регистриран опфат под 90 отсто за примовакцинација со три дози на ДиТеПер/ИПВ вакцина. Во текот 2023 година, опфатот за примовакцинацијата со три дози на ДиТеПер/ИПВ/ХиБ вакцина, како и вакцината против хепатит Б, бележи зголемување во однос на 2021 и 2022 година, но сепак е понизок од 90%. Опфатот на примовакцинација (со три дози) со вакцините вклучени во поливалентните вакцини (ХиБ/ДиТеПер/ИПВ), бележи зголемување во однос на 2022 година (84,1%) и изнесува 86,3 %, а за вакцината против Хепатит Б изнесува 85,8%, посочи д-р Ставридис.
ДиЏовани ги повика родителите да ги вакцинираат своите деца за враќање на колективниот имунитет.
-Не чекајте да избие епидемија за да ги заштитите вашите деца. Веројатно не се сеќавате дека вашите родители ве одвеле на вакцинација, но со тоа помогнале да станете дел од едно од најголемите достигнувања на човештвото. Обезбедете им ја на вашите деца заштитата што ви ја дале вашите родители во минатото. Заедно можеме да направиме пресврт и да го вратиме колективниот имунитет, изјави ДиЏовани.
Јохансен потенцираше дека во моментов со финансиска поддршка на УСАИД, Светската здравствена организација ја поддржува иницијативата „Спринт за имунизација“ низ целата земја.
-Оваа иницијатива има за цел да ја подобри пристапноста и да ги зголеми стапките на покриеност во сите региони на државата преку проширување на достапноста за услугите за вакцинација на локално ниво, обезбедување вакцинација на самото место преку мобилни тимови за вакцинација на национално ниво и делење информативни материјали за имунизација базирани на докази. Овие наши активности ќе траат сè додека секое лице кое ги исполнува условите не биде целосно вакцинирано. СЗО ќе продолжи и во иднина да ги поддржува владините напори за зајакнување на програмите за имунизација, вклучително и поддршка во развојот на новиот Правилник за имунизација, зајакнување на капацитетите за планирање и спроведување на процесите на вакцинација и поддршка на успешното спроведување на националниот план за вакцинација и многу повеќе, истакна Јохансен.
Во однос на вакцинацијата, опфатот со ротавирусната вакцина (од воведувањето во 2019 година) континуирано бележи пораст, достигнувајќи 67,9 отсто.
Опфатот со МРП вакцинација, бележи зголемување во однос на 2022 година (70,7%), но сè уште има низок опфат од 73,4 отсто што е далеку од препорачаниот опфат од 95 отсто.
Вакцината против ХПВ инфекција, како и секоја година од воведувањето, има најнизок опфат (56,6%). Сепак, бележи зголемување на опфатот во однос на 2022 година (52,5%), а особено во однос на 2020 година (35,5%).
Со исклучителен успех е спроведена вакцинацијата на територијата на Пехчево, каде опфатот за сите вакцини е 100 отсто. На територијата на ЦЈЗ Кочани, ЦЈЗ Кочани/ПЕ Виница, ЦЈЗ Охрид/ПЕ Дебар и ЦЈЗ Куманово/ ПЕ Кратово за сите вакцини опфатот е над 90 отсто, а за одредени вакцини достигнува 100 отсто.
Uncategorized
Изведба на балетскиот триптих „Молитви на моето тело“ во рамките на фестивалот „Танц фест Скопје 2024“
На 23 април, со почеток во 20 часот, ќе се изведе балетскиот триптих „Молитви на моето тело“, инспириран од циклусот поезија со истоимениот наслов од поетот Ацо Шопов. Балетскиот триптих ќе се изведе во рамките на јубилејното 20. издание на интернационалниот фестивал „Танц фест Скопје 2024“.
Креативниот мозаик е составен од авторите: идејата за проектот и костимографијата се на Александар Ношпал, драматург е Соња Здравкова-Џепароска, кореографи се: Ивана Коцевска, Адријана Данчевска, Саша Евтимова, музиката е на Дарија Андовска, Александар Гроздановски и Александар Пејовски (изведба: диригент Сашо Татарчевски со Женскиот младински хор при МКЦ), сценограф е Михајло Стојановски, визуелен уметник – Флоријан Чанга од Албанија, камера и видеомонтажа на филм – Доријан Миловановиќ, мултимедија и графички дизајн – Лазе Трипков.
Поезијата на Шопов, односно истоимениот циклус поезија на сцената на Националната опера и Балет, ќе биде прочитана со јазикот на танцот создаден од тројца македонски кореографи на музика на тројца македонски композитори и другите уметници. Во формат на триптих балетската претстава „Молитви на моето тело“ претставува 90-минутно креативно сплотување на тим од тринаесет уметници, сценски пренесено од првенците, солистите и балетскиот ансамбл на Националната опера и Балет.