Забава
Книга за сексуалните излети на американските претседатели
Порно кралот и сопственикот на весникот Хаслер Лари Флинт, реши повторно да ја шокира јавноста со книга за сексуалните излети на американските претседатели
Порно кралот и сопственикот на весникот Хаслер Лари Флинт, реши повторно да ја шокира јавноста со книга за сексуалните излети на американските претседатели.
Поигрувајќи се со американските големини, Флинт најави дека неговата книга ќе се вика Нација по секс: Како приватните животи на претседателите и првите дами ја формираа Америка.
Тој вели дека му досадило да слуша приказни на авантурите на Бил Клинтон и на Џон Кенеди и решил да ѕирне далеку во минатото, а книгата треба да излезе од печат идната година.
Тоа нема да биде книга за тоа кој со кого спиел, туку детална анализа за тоа како сексуалните активности на американските претседатели влијаеле врз политиката и историјата, вели агентот на Флинт.
Според податоците и озборувањата, Лари Флинт, вели дека претседателското “шарање“ е старо колку и САД. Па така за таткото на нацијата првиот американски претседател Џорџ Вашингтон, се наведува дека мечувањето, научено во младоста, добро го искористил во одбрана од налутени мажи, бегајќи од спалните соби на нивните сопруги. Поради растурањето на туѓите бракови, Џорџ Вашингтон, повеќе пати бил во смртна опасност.
Фетиш на шестиот американски претседател Џон Адамс, кој во политиката се истакна како голем противник на ропството, биле женските глуждови. Сите жени кои доаѓале во негова близина, биле предупредени, никако да не ги откриваат глуждовите.
Според Флинт, претседателот Абрахам Линколн е првата геј икона во САД. Линколн и неговиот претходник 15-тиот претседател на САД Џејмс Бјукенен, како што се наведува биле хомосексуалци, а можеби биле и љубовници.
Флинт тврди дека се точни наводите оти Луис Брандејс дошол до Врховниот суд на САД, уценувајќи го 28-миот претседател Вудро Вилсон, поради љубовницата.
За сопругата на Франклин Рузвелт, Еленор, се тврди дека била во врска со повеќе жени.
За просечните читатели Флинт нуди преглед на стари озборувања за американските претседатели, но за Ричард Никсон, кому Лари Флинт му пишуваше говори, нема напишано ниту збор./крај/б/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.