Забава
Болести поврзани со исхраната
Еден сегмент на заболувања, за кој многу ретко се зборува кај нас, се заболувањата од исхраната
Иако причините за многу-фаталните заболувања може да ги бараме во неправилната исхрана и начин на живот сепак, кога зборуваме за заболувањата од исхраната, конкретно мислиме на група заболувања кои својот корен го имаат во самокритиката, негативните мисли за својот изглед и тело, одбивноста кон храната, екстремното намалување на внесот на храна или пак прејадување, како и навики на јадење кои го нарушуваат нормалното функционирање на телото. Овие навики речиси секогаш се проследени со форми на депресија. Во оваа група заболувања спаѓаат: анорексија, булимија и редица заболувања кои не се одделно определени поради сличноста. Она што е важно е дека овој тип на заболувања подеднакво ги погодуваат сите општествени слоеви, а нивниот исход може да биде трагичен.Познати личности кои починале поради заболувања поврзани со исхраната:Карен Карпентер (популарна американска пејачка од средината на 70-те. Веројатно некои од вас ќе се присетат на „The Carpenters“)Таа ја започнала таканаречената Стилман диета или диета на вода, со цел да ја намали својата тежина која отсекогаш и создавала проблеми. Диетата се состоела од 8 чаши вода дневно и грст витамини. Карен продолжила со диета дури и откако изгубила 10 килограми, сè до својата смрт на неполни 33 години. Починала од прекин на работата на срцето, предизвикано од анорексија и мускулна атрофија, токму на денот на разводот со нејзиниот сопруг. Во моментот на смртта имала само 36 килограми.Ана Каролина Рестон (бразилски модел)Откако ја почнува својата кариера на 13 годишна возраст, работи за Ford, Elite и L’Equipe. Но, нејзиниот детски сон ќе стане ужасен кошмар по посетата на Кина, каде на еден кастинг и е забележано дека со себе носи повеќе килограми отколку што е потребно. Девојчето го сфатило тоа здраво за готово, се впуштила во ризични диети, кои една година подоцна ќе резултираат со анорексија. Состојбата се влошувала од ден на ден, а официјално смртта настапила со откажување на функцијата на бубрезите предизвикана од анорексија. Имала само 21 година и само 40 килограми.Марго Хемингвеј (модел и актерка, внука на големиот Ернест Хемингвеј). Прв топ модел кој добил милионски договор со Fabergè. Немало списание кое не ја посакувало на својата насловна страница во тоа време. Едно од заштитните лица и редовен гостин на фамозната дискотека Студио 54. Меѓутоа, ова ќе се распрсне како меур од сапуница по неколкуте фамилијарни драми и една скијачка несреќа по која ја зголемила својата тежина за безмалку 35 килограми. Иако депресијата некако постојано ја пратела во текот на животот, таа особено се засилува во овој период. И покрај неколкуте престојувања во разни центри за помош околу исхраната и депресијата, сепак решава да си го одземе животот, официјално поради преголема доза на фенолбарбитурати.Списокот е прилично долг: балерината Хајди Гинтер, гимнастичарката Кристи Хајнрих, американската поетеса Ен Секстон, ќерката на иранскиот шах Реза Пахлави.Некои од славните личности ја добиле битката со ваквите заболувања и решиле да проговорат јавно за тоа, како предупредување до армијата жени кои не се задоволни од својата тежина. Меѓу нив се:Опра Винфри успеа да ги победи заболувањатa поврзани со храната и издаде книга во која пред светот ја опиша својата борба со вишокот килограми.Кејт Винслет е израсната во семејство на одлични готвачи и целиот живот има проблем со својата тежина. Бројните критики што ги трпела резултираат со депресија и анорексија. Денес е задоволна со својот изглед и истото им го препорачува на сите други.Џејн Фонда беше меѓу првите славни личности која призна дека долги години се бори со булимијата. Својата борба со оваа болест ја опиша во својата автобиографија „My life so far“.Во овој список влегуваат и: Ешли Симпсон, Кристина Ричи, Кетрин Оксеберг, Франц Кафка, Одри Хепберн, принцезата Дијана, Викторија Бекам… списокот е речиси без крај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бидете искрени со себе: ако ги забележите овие четири знака, време е да раскинете
Раскинувањето никогаш не е лесна одлука. Честопати постои сомнеж и внатрешна борба помеѓу љубовта и реалноста на секојдневниот живот. Сепак, постојат јасни знаци кои укажуваат дека врската не е здрава или одржлива. Важно е да ги препознаете овие знаци на време за да можете да бидете и поздрави и посреќни. Затоа советничката за врски Елизабет Стоун истакна неколку знаци дека е време за раскинување.
1. Вашиот партнер е насилник
„Ако сте во насилна врска, време е за раскинување. Не треба да живеете во страв од вашиот партнер, постојано следејќи го секој ваш потег за да не го предизвикате неговиот гнев. Можеби звучи едноставно да се каже „оставете ги“, но во пракса е многу потешко. Сепак, заслужувате врска во која се чувствувате безбедно и сакано“, нагласува советничката.
Таа додава дека ако некое лице страда од каква било форма на злоупотреба, ова е јасен знак дека треба веднаш да ја прекинете врската. „Насилството нема да се подобри ниту да исчезне – само се влошува. Важно е да се заштитите пред да биде предоцна“, забележува Стоун.
2. Имате сосема различни животни цели
„Ако вие и вашиот партнер имате многу различни планови за иднината, тоа може да биде непремостлива пречка. Примерите вклучуваат желба за брак или деца од едната страна, додека другата страна категорично одбива да го стори тоа“, вели советникот.
Иако постојат компромиси во секоја врска, кога станува збор за основите на животот, прекумерното прилагодување води до незадоволство и огорченост. „Љубовта понекогаш значи да се откажете од некој што ги дели истите вредности и желби. Напуштањето во овој случај не е предавство, туку чин на почит и кон себе и кон другиот“, нагласува таа.
3. Ве изневерил или вие размислувате за неверство
Неверството е едно од најтешките искушенија во врската.
Стоун објаснува: „Откако ќе откриете дека вашиот партнер ве изневери, можно е да се чувствувате растргнати помеѓу желбата да се обидете да ја поправите врската и гневот што ве преплавува. На крајот на краиштата, останувањето или заминувањето е лична одлука, но треба да бидете свесни дека изневера често значи дека врската всушност е завршена пред да го знаете тоа.“
Исто така, ако се фатиме себеси како размислуваме за неверство или веќе сме го изневериле партнерот, тоа е знак дека е време да раскинеме, вели советникот. Неверството често укажува дека лицето бара промена, но не се осмелува отворено да го направи чекорот.
4. Не ве почитува
Недостатокот на почит е тешко да се поправи откако ќе се појави.
„Ако вашиот партнер постојано ги крши ветувањата, се шегува за вас и ве повредува, тоа е јасен знак на непочитување. Прашањето е дали сакате да го поминете животот со некој што не ви го дава достоинството што го заслужувате. Животот е премногу краток, но и премногу долг за да го потрошите на некој што не ве цени или почитува“, заклучува Стоун.
Забава
(Видео) Избран е најсекси мажот за 2025 година: тој испиша историја
Списанието „Пипл“ го прогласи Џонатан Бејли (37) за најсекси маж за 2025 година, откако неговиот колега Џон Красински ја освои титулата минатата година.
Веста беше објавена синоќа во „The Tonight Show Starring Jimmy Fallon“, а беше објавена и на официјалните профили на познатото списание и актерот.
Бејли ја освои титулата најсекси маж по минатогодишниот победник Џон Красински, а кога го прашаа како се чувствува откако е потврден како „најсекси маж кој чекори по земјата“, тој рече: „Огромна чест е. Искрено, многу сум поласкан и помалку ми е апсурдно“.
Џонатан Бејли е роден во 1988 година. Светска слава стекнал по улогата на Лорд Ентони Бриџертон во популарната серија на Нетфликс „Бриџертон“.
Со тоа што беше прогласен за најсекси маж на годината, тој стана првиот геј маж што ја добил оваа ласкава титула, со што влезе во историјата.
Претходни носители на оваа титула се Блејк Шелтон, Адам Левин, Идрис Елба, Ченинг Тејтум, Џорџ Клуни, Крис Хемсворт и други.
фото: принтскрин
Забава
„Плачев секоја вечер“: актерката откри како се справила со постпородилната депресија
Познатата актерка Рис Витерспун имаше емотивно и отворено интервју за списанието „Харперс Базар“, а во таа прилика откри како се борела и ја надминала постпородилната депресија.
„Во првите шест месеци бев среќна и тажна во исто време. Плачев цело време, не спиев, бев исцрпена. Не очекував таков хормонален пад. Го почувствував тоа веднаш по породувањето и повторно шест месеци подоцна, кога престанав да дојам“, рече таа.
Како што рече, нејзината мајка ја предупредила за тоа и претходно, бидејќи нејзината баба исто така страдала од депресија, па Рис се плашела од генетиката.
„Секој има мислење за тоа како треба да се роди дете, да се храни дете, може да биде исцрпувачки. Имав среќа што имав пријателка која ме охрабри да побарам стручна помош, но за жал многу луѓе го немаат тоа, а потоа страдаат во тишина и ги кријат своите проблеми“, рече Рис.
Актерката исто така верува дека нејзиниот успех произлегува од сето ова, бидејќи таа секогаш се туркала надвор од своите граници и се обидувала да биде совршена во сите области. Сепак, таа најмногу за менталното здравје научила од нејзината мајка, која е исто така медицинска сестра.
„Со текот на времето, научив да забавам и да се прифатам себеси. Сакам да стареам. Сакам да станувам помудра и да го разбирам моето место во бизнисот. Работев напорно за да стигнам до тука. Ако чувствувам нешто или сум загрижена за нешто, зборувам за тоа“, искрено заклучи Рис.
фото: принтскрин
(Фото) Пронајдена дрога во возило во Тетовско, двајца уапсени
Вчера во 21:00 часот на регионален пат Тетово – Скопје, на влез за село Желино, тетовско, полициски службеници од Полициската...
(Видео) Масовни напади со дронови во Русија: една од најголемите рафинерии во пламен
Ноќеска, украински беспилотни летала нападнаа голем број индустриски и енергетски објекти длабоко на руска територија, предизвикувајќи пожари во рафинерии и...
(Видео) Украинец преживеал некои од најжестоките битки во војната: убиен на церемонијата на доделување медали
Елитниот украински пилот на беспилотни летала Володимир Свјатненко, познат по неговиот повикувачки знак „Знахар“, кој преживеал некои од најжестоките битки,...
Кина спроведува најголемо воено засилување во светот, тврдат Австралијците
Работата на австралиските одбранбени сили за заштита на поморските трговски патишта, вклучително и оние низ Јужното Кинеско Море, станува сè...
Вучиќ: Знаеме дека двајца снајперисти се во Белград, не можеме да ги најдеме веќе три дена
Српскиот претседател Александар Вучиќ, гостувајќи во емисија на домашен медиум, изјави дека обоената револуција не успеала. Тој тврди дека блокадерите...
Блокадата на владата ја остави Америка без контролори на летање: летовите се одложени со часови
Повеќе од 3,2 милиони американски патници се соочуваат со одложувања и откажувања на летови, бидејќи отсуствата на контролорите на летање...
(Видео) Работник спасен од урната средновековна кула во Рим по 11 часа, починал во болница
Работникот кој беше заробен под урнатините на кулата Торе деи Конти во центарот на Рим повеќе од 11 часа почина...
(Видео) ДИК ги соопшти првичните официјални резултати од вториот круг на локалните избори
Државната изборна комисија попладнево ги соопшти првичните официјални резултати од вториот круг на локалните избори. Гласањето како што информираше претседателот...
Уапсен е возачот кој денеска со „пасат“ усмрти велосипедист на булеварот „Гоце Делчев“ во Скопје и побегна од местото
Денеска (03.11.2025) во Скопје, полициски службеници од СВР Скопје го лишија од слобода Х.К.(37) од Скопје. Тој околу 12:30 часот...
За вакцинација против сезонскиот грип досега пријавени над 76 илјади граѓани, почна и вакцинацијата со комерцијалните вакцини за 700 денари
Министерството за здравство информира дека за вакцинација против сезонскиот грип за ризичните категории населени досега се пријавени над 76 илјади...
(Видео) Мисајловски: Со освоени 54 општини и градот Скопје, ВМРО-ДПМНЕ е апсолутен победник на овие локални избори
Со освоени 54 општини и градот Скопје, ВМРО-ДПМНЕ е апсолутен победник на овие локални избори. А владината коалиција, на овие...
Претседателот на општинската организација на СДСМ во Ѓорче Петров поднесе оставка
Претседателот на општинската организација на СДСМ во Ѓорче Петров, Костадин Ацевски, поднесе оставка поради лошите резултати на локалните избори. Според...
Александар Стојкоски го доби уверението за втор мандат како градоначалник на општина Ѓорче Петров
Општинската изборна комисија денес официјално му го врачи уверението за избор на Александар Стојкоски за градоначалник на општина Ѓорче Петров,...
Глобален индекс на мирот 2025: Русија најнебезбедна земја во светот, Македонија на 51. место
Институтот за економија и мир (IEP) го објави својот годишен глобален индекс на мирот, сеопфатна анализа што рангира 163 земји...
Уапсен возач во Скопје: прегазил пешак и избегал од местото на несреќата
Вчера во 19:10 часот во СВР Скопје е пријавено дека на улицата „Димитрие Чуповски“ во Скопје, патничко возило „фолксваген тигуан“...
Во двор во семејна куќа во Битолско организирани борби со кучиња: поведена постапка против двајца
Основното јавно обвинителство Битола поведе постапка против две лица за кривично дело – Убивање и мачење животни од член 233...
„Влен“: Со еден глас Албанците го запечатија крајот на ерата на Ахмети!
„Изборите што ги нарекоа „референдум“ завршија како политички суд против оние што го држеа албанскиот народ како заложник 23 години...
(Видео) Најмалку 20 мртви, а повеќе од 150 повредени во силниот земјотрес во Авганистан
Земјотрес со јачина од 6,3 степени го погоди северниот авганистански град Мазар-е Шариф рано наутро во понеделник, при што загинаа...
Брнабиќ: Поранешниот претседател на Србија, несреќа од човек, повикува на граѓанска војна
Претседателката на српското Собрание, Ана Брнабиќ, остро го критикуваше поранешниот српски претседател Борис Тадиќ откако тој ги повика граѓаните да...
Обвинител: Грабежот во „Лувр“ е дело на ситни криминалци, а не на професионалци
Спектакуларната кражба на накит од 88,4 милиони евра во музејот Лувр минатиот месец не е дело на професионални крадци во...
