Забава
Новото работно време го загрозува Мачу Пикчу
Предлогот да се продолжи „работното време“ на Мачу Пикчу, односно времето во кое посетителите може да направат обиколка на ова древно место, отвори нова дебата за тоа дали туристите може да му наштетат на светиот град на Инките.
Рене Конча Лесама, гувернер на регионот Куско, предложил ново време во текот на кое посетителите би можеле да направат обиколка во градот на древните Инки и тоа во две смени, од 08 до 13 и од 13 до 20 часот.
Така бројот на туристи би се зголемил двојно, пренесува Daily Telegraph, повикувајќи се на податоци од сајтот Peru21. Моментно ова свето место, заштитено од страна на УНЕСКО, го посетуваат 2.500 туристи дневно, кои својата посета мора однапред да ја резервираат.
Меѓутоа, овој предлог во Јужна Америка наиде на остри критики, баш како и предлогот за изградба на аеродром во близина на Мачу Пикчу, кој би можел да прими авиони до големина на моделот А380.
Крис Мос, автор на повеќе туристички водичи за Перу, добро е запознаен како со културното богатство на земјата, така и со желбите на посетителите.
„Перу би требало да размислува за популаризација на други места, како на оние наследени од Инките, така и на оние кои не се во знакот на тој древен народ“, смета Мос издвојувајќи ги Чокекирао, Морај и Хуака дел Сол. На тој начин, наведува, би се намалил бројот на оние кои исклучиво сакаат да го посетат Мачу Пикчу.
„Поголемиот број на стапала кои би оделе на тоа тло би можело дополнително да го оштети ова место“, смета тој.
Стјуарт Вашингтон, шеф на туристичката организација Jorney Latin America наведува дека ситуацијата сé уште е неизвесна и не прецизирал дали работното време ќе биде продолжено.
„Моментно времето за посета е од шест часот наутро, за оние кои сакаат да го набљудуваат магичното изгрејсонце, до 17 часот, токму на време да се фати возот за градот Куско“, објаснува тој, изразувајќи загриженост дека новото работно време би можело да ги загрози Мачу Пикчу.
УНЕСКО најави дека за продолженото работно време ќе разговара дури кога предметот официјално ќе се најде пред Комитетот за заштита на светските градини.
Последниот извештај за Мачу Пикчу од 2012 година содржи одредници според кои ова место наскоро би било прогласено за официјално загрозено, за да се заострат мерките за заштита и подобрување на состојбата во која се наоѓа.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кога телото нагло старее: Ова се критичните години
Луѓето не стареат со исто темпо. Кај некои, првите брчки и бели влакна се појавуваат порано, додека други го задржуваат својот младешки изглед долго време. Сепак, новото истражување покажува дека постојат два периода во животот кога промените стануваат ненадејни и поизразени.
Научници од Медицинскиот факултет на Универзитетот Стенфорд следеа повеќе од 135.000 биолошки маркери кај 108 испитаници во текот на неколку години. Тимот го водеше Мајкл Снајдер, претседател на Одделот за генетика.
Резултатите покажаа дека дури 81 процент од молекулите поврзани со стареењето не се менуваат постепено, туку во таканаречен нелинеарен модел. Со други зборови, телото не старее рамномерно. Промените доаѓаат во бранови.
Постојат два особено чувствителни периоди – околу 44 и 60 години. Тогаш се случуваат ненадејни молекуларни промени. Начинот на кој телото ги обработува алкохолот и кофеинот се менува. Го забавува метаболизмот. Ризикот од кардиоваскуларни заболувања, исто така, се зголемува.
Студијата е објавена во стручното списание Nature Aging. Иако точната причина за овие промени не е утврдена, истражувачите посочуваат на можни фактори на животниот стил.
Во средната возраст, консумирањето алкохол често се зголемува. Стресот е поизразен. Квалитетот на спиењето се намалува. Сето ова може да има последици врз срцето и имунолошкиот систем.
фото/Depositphotos
Забава
Објавена причината за смртта на 34-годишната ќерка на Томи Ли Џонс
По повеќе од еден месец откако беше пронајдена мртва во хотел во Сан Франциско, причината за смртта на 34-годишната Викторија Џонс, ќерка на познатиот актер Томи Ли Џонс, е објавена. Таа почина на 1 јануари, а причината за смртта е предозирање со кокаин.
Канцеларијата на главниот судски испитувач во Сан Франциско објави дека Викторија починала од „токсични ефекти на кокаинот“. Начинот на смртта беше опишан како „несреќен случај“.
Полицијата и пожарникарите во Сан Франциско реагираа во хотелот Фермонт во 2:52 часот наутро на 1 јануари по пријава за медицинска итна состојба. По пристигнувањето, ја пронајдоа починатата, чиј идентитет не беше официјално објавен во тоа време.
NBC Bay Area подоцна објави, повикувајќи се на полициски извор, дека станува збор за Викторија. Во аудио-снимка од повикот до кој дојде People, случајот е опишан како сомнително предозирање со видливи знаци на промена на бојата на кожата. Таквиот опис најчесто се однесува на цијаноза – состојба поврзана со ниски нивоа на кислород во крвта, што може да предизвика кожата, усните или ноктите да добијат синкава или виолетова боја, а често се поврзува со срцеви или белодробни нарушувања.
Семејството издаде соопштение за трагичната загуба денот по смртта, на 2 јануари. „Ги цениме сите љубезни зборови, мисли и молитви. Ве молиме почитувајте ја нашата приватност во ова тешко време. Ви благодариме“, рекоа тие во соопштението.
Викторија беше ќерка на Томи Ли Џонс и неговата поранешна сопруга Кимберли Клафли. Двојката има и 43-годишен син, Остин Џонс.
Викторија имала неколку помали улоги, вклучително и во филмови на кои работел нејзиниот татко. Таа се појави во филмот „Човек во црно II“, вестернот „Трите погреби на Мелкијадес Естрада“ и филмот од 2014 година „Домаќинот“. Таа исто така глумеше во филмот „Извинете, мразители“ и во епизода од „Еден рид на дрвјата“ во 2005 година.
Според судските записи, таа била уапсена најмалку двапати во изминатата година, од кои еден бил за поседување дрога.
Забава
(Видео) Најжешката бринета за промена ги покри градите: и повторно е совршена
Пејачката Никол Шерцингер (47) е најмногу во центарот на вниманието поради својот изглед, но и поради жешките фотографии од плажа што често ги објавува на социјалните мрежи.
Кога не е на плажа, таа е на црвениот тепих и повторно е најжешка и најубава. Со нејзиното појавување на Неделата на модата во Њујорк, Никол покажа дека голотијата не секогаш победува и дека елеганцијата може да го најде својот пат до совршенство.
Лелев син фустан во комбинација со црни салонки беше вистинскиот избор за убавата пејачка. Иако сме навикнати често да биде провокативна и да ги открива градите, овој пат сè беше спротивно.
Не видовме ниту трошка провокација од Никол Шерцингер, но бевме убедени дека елеганцијата ѝ стои повеќе од сè друго.
Меките бранови во косата и црвениот кармин го надополнија ова модно издание на прекрасната бринета која трпеливо позираше за собраните фотографи и уживаше во комплиментите.
(Фото) На повеќе локации низ Скопје паднаа дрвја, Ѓорѓиевски: Екипите се на терен, реагираме навремено
Поради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Градоначалникот Орце...
(Фото) Силниот ветер откорна покрив во училиште во Гевгелија
Преку Единствениот број за итни повици 112 е примена пријава дека поради силен ветер летнала лимената конструкција од покривот на...
Сè помалубројни, постари и понеисправни автобуси во кои се возат сè помалку патници, покажува истражувањето на Центарот за граѓански комуникации
Центарот за граѓански комуникации ги објави истражувањето и базата на податоци за капацитетите на Јавното сообраќајно претпријатие Скопје. Нивното истражување...
Мицкоски да одговори кој бил со него во владиниот авион, бара СДСМ
Луксузирањето на Мицкоски врз грбот на граѓаните и летањето со владин авион на Јадранско море го покажа вистинското лице на...
Панчевски поднесе кривична пријава против членовите на Советот на јавни обвинители, ги обвинува за злоупотреба
Кандидатот за државен јавен обвинител Владимир Панчевски, кој не доби позитивно мислење од Советот на јавни обвинители, најави дека ќе...
(Фото) По ерата на Југославија, селото Драчево е првото село во Македонија што добива сопствено модерно кино
Општина Кисела Вода вчера вечер официјално го отвори новото кино во Домот на културата во Драчево. Проектот, реализиран во партнерство...
Документите за Епстин се толку сериозни што би можеле да бидат злосторства против човештвото, предупредија експерти на ОН
Милиони досиеја поврзани со покојниот сексуален престапник Џефри Епстин укажуваат на глобална криминална мрежа што би можела да претставува злосторства...
(Видео) Најмалку десет скијачи исчезнаа во лавина во Калифорнија: започната е спасувачка операција
Најмалку 10 скијачи се водат како исчезнати, а шест други се заробени и чекаат спасување во услови на обилни снежни...
Мечка забележана во близина на Будимпешта
Мечка е видена во близина на Будимпешта. Животното веројатно не е од дивината, туку избегало од приватна фарма, објави општината...
Врнежи од слаб снег на неколку патни правци, патот кон село Герман е блокиран од паднато дрво
Од синоќа е воведена забрана за сообраќај на регионалниот пат Р2-233 Гостивар – село Чегране поточно во село Форино, поради...
(Фото) Ѓорѓиевски: По две децении, Драчево повторно доби свое кино
Градоначалникот на Град Скопје, Орце Ѓорѓиевски преку социјалните мрежи извести дека по две децении, Драчево повторно доби свое кино. „Особено...
Забранет сообраќајот на регионалниот пат Гостивар – село Чегране поради излевање на реката Вардар и обилниот дожд
Во 20.40 часот е воведена забрана за сообраќај на регионалниот пат Р2-233 Гостивар – село Чегране поточно во село Форино,...
Капиштец повеќе од шест часа без вода, дефект кај Цветен пазар ја поплавува улицата Народен фронт
Жителите на делови од скопски Капиштец повеќе од шест часа останаа без вода за пиење. Кај Цветен пазар вечерва е...
Четворица кандидати во трката за државен јавен обвинител добија позитивно мислење
Обвинителките Анита Тополова-Исајловска, Ленче Ристоска и Лидија Раичевиќ и судијата Ненад Савески добија позитивно мислење од Советот за јавни обвинители....
Генерален штрајк во март ако до крајот на февруари не се зголеми минималната плата, ССМ најави блокади и во другите градови
Со тројца повеќе работници од вообичаено, 24 наместо досегашните 21, Сојузот на синдикати на македонија (ССМ) денес ја блокираше Владата,...
Авионот е користен согласно прописите, за секој лет постојат документи, велат од Владата
Јавно и недвосмислено укажуваме дека владиниот авион е користен исклучиво во согласност со прописите и актите за негово користење, согласно...
Скијач од Данска повреден во снежна лавина на Попова Шапка
Скијач од Данска е пронајден на Попова Шапка, а според информациите од полицијата тој бил повреден од снежна лавина и...
Автомобил удри во четиригодишно дете во Скопје, со тешки повреди е пренесено во болница
Четиригодишно дете со тешки повреди е пренесено во болница откако во него удрил автомобил. Според информациите на МВР, вчера околу...
(Видео) Левица: Жителите на Струга 10 дена се оставени без чиста вода за пиење
Жителите на Струга 10 дена се оставени без чиста вода за пиење поради сериозната еколошка хаварија со изворот на вода...
(Видео) Кузеска: За еден час пред Владата ќе започне протест за поголеми плати, нека се симне Мицкоски, нека ги погледне работниците кои едвај може да си ги прехранат семејствата
„Со владин авион и парите од граѓаните премиерот бил на Јадранско море. На одмор. Ова е срамна слика за една...
