Забава
Oтворен минхенски Октоберфест
Со традиционално забивање на чепот во пивска бочва во саботата точно напладне ебеше отворено 181-то издание на Октоберфест, според организаторите, најголемиот народен празник на светот.
„Славината е во бочвата! Нека биде мирен Октоберфест!“, повика новиот минхенски градоначалник Дитер Рејтер, по забивањето на металната славни во пивската бочва, традиционален чин со кој се одбележува почетокот на празнувањето.
На Рејтер му беа потребни четири удари до државен токмак врз славината за да протече пивото. Работа на престиж е со што помалку удари да се пушти пиво од бочвата. Рејтер дури земал и часови од минхенските пивари за тоа како побрзо да ја забие славината во бочвата. Неговиот претходник, Кристијан Уде, е досегашен рекордер со само два удара.
Уште пред самото официјално отворање пред многубројните големи шатори на минхенските пиварници се создадоа големи редови и покрај тоа што на првиот ден од годинешниот Октоберфест, посетителите ги дочека лоши време со дожд и ниски температури.
До 5-ти октомври кога завршува Октоберфест, се очекуваат повеќе од шест милиони посетители од целиот свет. Тие во просек трошат по 68 евра дневно. За време на празнувањето се јада околу половина милион пилиња, а на ражен завршуваа повеќе од сто волови. Истовремено се испиваат околу седум милиони литри пиво. Минатата година, на пример, се испиени 6,7 милиони литри пиво. Годинава една традиционална еднолитарска кригла пиво чини рекордни 10 евра. Според процените на градот Минхен, Октоберфест на градот и околината секоја година му носи заработка од 1,1 милијарда евра.
Поради напнатите политичко-безбедносни ситуации во светот, годинава на Октоберфест се ангажирано 500 баварски полицајци во униформи и во цивил, на кои им помагаат и полицајци до други држави. Конкретни индиции за подготовка на терористички напад во текот на масовното празнување засега нема, според германските власти. На Октоберфест во 1980 година се сучи и најтешкиот терористички напад во повоената историја на Германија, кога од бомба којашто ја поставија неонацистички екстремисти, загинаа 13 луѓе.
Оваа година пред почетокот на Октоберфест се разви во јавноста дебата и за производството на кожените панталони (ледерхосе), традиционалниот дел од машката баварска носија. Традиционалистите, имено, се побунија кога трговскиот синџир „Лидл“ во својата понуда неколку седмици пред почетокот понуди „ледерхоски“ по цена од 49,99 евра произведени во Индија. Во традиционалните продавници во кои се продаваат баварските народни носии, ваквите панталони чинат околу 400 евра. Меѓутоа, набрзо се откри дека и „ледерхоските“ кои чинат по 400 евра за рало, се произведени на Шри Ланка, што предизвика жестоки протести на здруженијата за заштита на баварските обичаи.
Фестивалот започнува од центарот на Минхен со поворка од околу илјада лица. По прошетката на улиците на Минхен, забавата продолжува на Терезината ливада на површина од 42 хектари се поставуваат шатори во кои има пиење и јадење, а фестивалот го отвора градоначалникот.
Октоберфест се одржува повеќе од 200 години откако е основан во 1810 година како улична веселба на трки со коњи во чест на венчавката на баварскиот принц Лудвиг и саската принцеза Тереза, по која се нарекува и ливадата на која се одржува фестивалот. Во својата двовековна историја, фестивалот бил одложен само 24 пати, и тоа главно поради војна или епидемии од заразни болести.
Во 8,55 се отвораат портите на шаторите од кои најголемиот има капацитет за десет илјади луѓе, и сите со нетрпение ја очекуваат својата прва кригла пиво на којашто можат да ѝ се насладуваат по 12 часот, кога првата ја испива градоначалникот на Минхен, во најпознатиот пивски шатор Shottenhamel. Ова пиво е приготвено според рецепт кој е најмногу близок до оној според кој се правело пивото во XIX век, и според бојата и според алкохолност, речиси исто како тоа што било точено пред 200 години и го пиеле гостите на првиот Октоберфест. Сопствениците на пиварницата на одбележувањето на 200-годишнината изјавија дека вкусот на јубилејното пиво е само малку изменет од оригиналното и адаптирано на современите вкусови и традиции. Покрај шареноликоста на баварски традиционални носии кои доминираат на фестивалот, една од најживописните глетки на фестивалот е поворката на пивниците, на првиот ден од Октоберфест, кога тие минуваат низ полето во нивните свечени фестивалски униформи.
Бидејќи пивото е главниот „лик“ на фестивалот, секоја година пиварниците прават специјално празнично пиво посветено само на Октоберфест. Во Германија постои таканаречен „пивски закон“ со кој се регулира правењето и јачината на пивото. Но за Октоберфест е дозволено пивата да се малку посилни отколку за нормално производство, но не многу силни, туку треба да биде повкусно и подобро да биде апсорбирано од организмот, така што посетителите да можат да испијат по повеќе чаши./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.