Контакт

Здравје

Google ќе вложи 750 млн долари во развој на лекови против болести поврзани со возраста

Објавено пред

Компанијата Calico, сектор на технолошкиот гигант Google специјализиран за биотехнологија, склучи договор со биофармацевтската компанија AbbVie за соработка во областа на истражувања и развој на методи на лекување за болестите поврзани со возраста, особено за невродегенеративни нарушувања, соопштија од AbbVie.
 

dobivaj vesti na viber

Компанијата Calico, сектор на технолошкиот гигант Google специјализиран за биотехнологија, склучи договор со биофармацевтската компанија AbbVie за соработка во областа на истражувања и развој на методи на лекување за болестите поврзани со возраста, особено за невродегенеративни нарушувања, соопштија од AbbVie.

 

Финансиската поддршка за овој проект во почетната фаза ќе изнесува 250 милиони долари од двете страни. Во иднина компаниите планираат да вложат во него уште 500 милиони долари.

Компанијата Calico отвора центар во Сан Франциско, кој ќе се концентрира на раните фази од развојот на лековите и нивните тестирања, додека AbbVie врз себе ги презема подоцнежните етапи од развојот на препаратите и ќе го прави изборот и промоцијата на оние коишто ги минале тестирањата.

Претходно ова лето весникот The Wall Street Journal, повикувајќи се на внатрешни извори, објави дека корпорацијата Google покренува глобален проект кој го нарекува „Основно истражување“.

Целта на овој проект е со помош на медицински стручњаци да се утврди можноста за откривање на смртоносните болести кај луѓето во нивните рани стадиуми. Во проектот се вклучени околу 100 експерти, а во студиите ќе бидат ангажирани илјадници луѓе.

Со помош на контактните леќи на Google, како и со сензорите развивани од Google X, научниците ќе можат да ги регистрираат срцевиот ритам, пулсот и новото на кислород во крвта на човекот. На тој начин истражувачите имаат намера да соберат стотици обрасци на заболувања кај човекот во раните стадиуми, коишто потоа ќе бидат анализирани со помош на компјутерите на Google за утврдување на закономерностите, односно за подготвување биомаркери.

Текот на проектот ќе го следи надзорен одбор составен од експерти од водечките медицински институти во САД. Засега од Google не соопштуваат колку време ќе биде потребно проектот да стане функционален и кога научниците ќе ги претстават првите резултати добиени со негова помош./крај/мф/сн

Извор: Reuters



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

„Галеника“-совети за нега на кожата по сончање

Објавено пред

Со самото доаѓање на летото почнуваат позитивните вибрации и уживањето во сонцето. Веќе во првите денови на летото, почнуваме да планираме одмор, пребаруваме костими за капење, млеко за сончање за тело, крема за сончање за лице, екстра заштита за сончање со 50+ фактор за децата и се разбира, производи за нега за кожата. Кога сонцето е високо во зенитот и колку повеќе пече, толку е посилна желбата да се вратиме со потемнета здрава кожа.

dobivaj vesti na viber

Но, долготрајната изложеност на кожата на УВ зраците предизвикува боцкање, чешање, затегнатост и црвенила кои може да преминат во изгореници. Во животот сите сме доживеале изгореници и знаеме колку се непријатни, а понекогаш и болни. Всушност, секогаш кога УВ зраците продираат подлабоко во кожата, ја намалуваат нејзината еластичност, влага и предизвикуваат брчки. Ветрот и топлината на плажите создаваат дополнителен стрес за кожата. Дури и кога се користи заштита за сончање со висок заштитен фактор, на челото, носот, брадата, рамената и деколтето им треба дополнителна нега, и тоа производ кој инстант ќе ја ревитализира кожата за следниот ден сончање.

Односно, независно колку вашата кожа успева да се справи со сончевите зраци, за неа негата после сончање е подеднакво важна како и заштитата за сончање. Производите Пантенол на регионалната фармацевтски компанија Галеника, како и маста Јекодерм ја обезбедуваат потребната влажност за кожата и нега што во некои кризни моменти, може да го спаси и одморот.

Сите Пантенол производи и Јекодерм се достапни во сите наши аптеки и се произведени со високо квалитетни состојки кои на кожата и ги обезбедуваат потребните витамини, аминокиселини и ја надоместуваат изгубената влажност неопходни за брза ревитализација. И двата производа може да се нанесуваат после сончање, а не само во случај на изгореници од сончевите зраци.

Галеника во понудата има различни облици на пантенол, како пантенол крем, маст, раствор и најново Пантенол 9% пена.

Пантенол 9% пената благодарение на нејзиниот состав пантенол, алое вера, алантоин и витамин E се препорачува како прва помош за секојдневна нега и хидратација, нега на кожата после сончање и за регенерација на кожата по депилација. Пантенол 9% пена лесно се нанесува на поголеми површини, брзо се впива и не остава траги на кожата.

Добро познатиот и докажан бренд Јекодерм маст е богат со витамин А, витамин Д, омега-3 масните киселини, како и разни есенцијални масни киселини, кои се многу важни за нормалното функционирање на нашето тело и на најголемиот човеков орган – кожата. Маста го убрзува и олеснува процесот на регенерација на иритирана и оштетена кожа, ги обезбедува неопходните хранливи состојки за сува и перутава кожа правејќи ја кожата да изгледа мазно, сјајно и поеластично. Се користи за третман на кожа оштетена од различни надворешни влијанија, како што е и УВ зрачењето, а жените ја користат и за спречување на брчките и нега на зрелата кожа.

Секако, првиот чекор за регенерација и ревитализација на целото тело по сончање е избор на дебела сенката, туширање со млака вода и одмор од најмалку 12 часа пред повторно да излеземе под сончевите зраци. Правилната исхрана е исто така важна за нега на кожата, односно овошјето и зеленчукот, како и течностите обезбедуваат грижа за кожата, но од внатре. Природната и сирова храна богата со витамини, киселини и нутриенти помагаат за регенерација на кожата.

Уживајте во безбедна дружба со сончевите зраци заедно со Пантенол и Јекодерм.

ПР

Прикажи повеќе...

Забава

Симптоми и совети во раните фази од бременоста

Објавено пред

Колку и да звучи изненадувачки, жената воопшто не е бремена во првата недела од бременоста. Бидејќи овулацијата и зачнувањето всушност тешко се одредуваат, а физичките знаци на менструацијата е многу полесно да се утврдат, повеќето акушери ја сметаат бременоста од првиот ден од последната менструација. Според лекарите и класификацијата на бременоста по недели во првата недела од бременоста, вие всушност имате менструација и сè уште не сте бремени. Вие всушност нема да го зачнете вашето бебе до втората или третата недела од бременоста, во зависност од должината на вашиот циклус.

dobivaj vesti na viber

Во првата недела од бременоста

Во оваа рана фаза, кога сè уште не сте навистина бремени, симптомите што ги чувствувате се типични за вашата менструација и може да траат од три до седум дена. Тие главно вклучуваат вагинално крвавење, грчеви и болки во долниот дел на грбот и надуеност. Покрај тоа, може да има промени во расположението како резултат на хормонални промени и појава на главоболка.

Првите знаци на бременост не се појавуваат веднаш, додека вообичаените рани знаци на бременост во првите недели по оплодувањето вклучуваат болка во градите, замор, честа потреба за мокрење и гадење. Првата недела од бременоста е вистинско време да размислите и планирате како да го подготвите вашето тело да носи бебе.

За почеток, добро би било бременоста да ја започнете со здрава телесна тежина и без или со што помалку лоши навики, како пушење и внесување алкохол. Додека внесот на кофеин треба да се намали на најмалку една до две шолји кафе дневно. Исто така, се препорачува да се земаат пренатални витамини со 400 mcg фолна киселина дневно.

Влегување во втората недела од бременоста

Во втората недела од бременоста, кога сè уште не сте бремени, менструацијата треба да заврши и да почне овулацијата во следните неколку дена. Иако всушност не сте бремени во втората недела, може да се каже дека можеби сте многу блиску, треба да бидете внимателни и да ги забележите знаците на овулација и да имате повеќе секс во тој период.

Знаци на кои треба да обрнете внимание се, на пример, промени во цервикалната слуз, која, како што се приближувате до овулацијата, станува потенка, појасна и поцврста, како белката од јајце, што инаку и помага на спермата да го најде патот до јајце клетката. Еден од знаците е заострувањето на сетилото за мирис, што е последица на хормоналните промени и веројатно природен начин за лесно намирисување на машки феромони во непосредна близина, во периодот кога се обидувате да се размножите. Сето ова нема да помине без мала болка, која ќе се појави во градите, исто така како резултат на хормонални осцилации, и во карлицата, каде што ќе чувствувате трнење на едната страна од стомакот, додека вашиот јајник ослободува нова јајце клетка.

Благи крвави дамки се смета за честа појава, иако треба да се консултира гинеколог ако се интензивира, како што е вообичаено и зголемен сексуален нагон. Промена има и во грлото на матката, кое ако редовно го проверувате ќе забележите промена бидејќи станува поотворено, повисокп и помеко при овулација.

Втората недела од бременоста е вистинско време да воведете смирувачка рутина во вашиот живот, со цел да го намалите стресот што е можно повеќе, што може значително да ја намали веројатноста за успешно и брзо забременување, без разлика колку се грижите за се друго. Треба да пиете многу вода и да се храните добро, а доколку веќе не сте го направиле тоа целосно исфрлете ги алкохолот и цигарите и започнете редовно вежбање со умерен интензитет.

(ПР-текст)

Прикажи повеќе...

Забава

Три клучни симптоми кои најавуваат срцев удар – вратот, рамената и рацете

Објавено пред

Крајот на одморот и враќањето на работа може да биде поттик за срцев удар. Затоа, според лекарите, првиот работен ден треба добро да се испланира за да се решат насобраните обврски, бидејќи намалувањето на стресот е добро за кардиоваскуларниот систем, особено за оние чие здравје е веќе нарушено.

dobivaj vesti na viber

Охрабрувачки е што може да се предвиди срцев удар, а навреме да се обратите на лекар.

Професор д-р Бранко Белеслин, кардиолог од Универзитетскиот клинички центар на Србија, вели дека вообичаено е пациентите да чувствуваат краткотрајна болка во градите, слабост и чувство на прескокнување на срцето неколку дена пред срцев удар.

„ Луѓето кои треба да бидат загрижени за овие симптоми се првенствено оние кои имаат фактори на ризик за срцев удар. Така, пушачите, дијабетичарите, оние со значително покачени масти во крвта, хипертензивните и оние кои имале семејна историја на срцев удар, особено на помлада возраст“, ​​забележува д-р Белеслин.

Болките зад градната коска, особено оние кои се шират на вратот, рамената, рацете, придружени со замор и потење се причина што побрзо да се побара лекарска помош.

„ ЕКГ, лабораториски анализи и, доколку е потребно, рендген на срцето и белите дробови или ултразвук на срцето, се основните тестови што треба да му се направат на пациентот за да се потврди или исклучи миокарден инфаркт“, вели тој.

Секоја кардиоваскуларна болест со право се смета за подмолна болест, бидејќи првиот срцев удар во животот, кај навидум здрав човек, може да биде фатален.

„ Најчеста причина за ненадејна смрт е срцев удар и тешки аритмии кои го придружуваат. Затоа е важно пациентите итно да се јават на лекар доколку почувствуваат болка во градите, проследена со несвестица и ако таа трае континуирано и повеќе од 20 до 30 минути. Задолжително прво да се јавите во брза помош, бидејќи самостојното одење во здравствена установа може да биде фатално, бидејќи на тој начин срцевиот мускул се изложува на дополнителен напор и потенцијален ризик од несакани настани“ предупредува тој.

Препознавањето и спречувањето на срцев удар не само што штити од ненадејна смрт, туку и од оштетување на срцевиот мускул.

„ Кога се преземаат соодветни дијагностика и третман, речиси и да нема оштетување на срцевиот мускул или тоа е минимално и практично не влијае на квалитетот на животот на пациентите“, вели д-р Белеслин.

Во спротивно, екстензивното оштетување на миокардот доведува до срцева слабост.

За да се спречи појава на срцев удар, како и негово повторување, најважно, вели професорот Белслин, е пациентот да престане да пуши, да се храни здраво, да се рекреира најдобро што може, да зема лекови за контролирање на крвниот притисок, дијабетесот и постигнување на оптимални нивоа на маснотии.

Прикажи повеќе...

Најново

Регион47 минути

Вучиќ: Зад нас е тежок ден, се надевам дека по некое чудо ќе дојдеме до компромисно решение

Претседателот на Србија, Александар Вучиќ, вечерва од Брисел, каде што учествуваше на разговорите меѓу Белград и Приштина, изјави дека ова...

Свет4 часа

Стотици писатели ќе ги читаат книгите на Ружди на улица во Њујорк

Стотици писатели ќе се соберат во Њујорк за да ги читаат делата на Салман Ружди, по примерот на настанот првпат...

Европа4 часа

Зеленски: ОН мора да обезбедат заштита на нуклеарната централа Запорожје

Украинскиот претседател Володимир Зеленски по средбата со генералниот секретар на ОН, Антонио Гутереш изјави дека ОН мора да обезбедат заштита...

Македонија6 часа

Македонскиот тим од историската комисија: Најголема лага е дека текстовите за заедничко чествување ќе се применат во образованието

Македонскиот тим во Заедничката мултидисциплинарна комисија за историски и образовни прашања упати реакција во врска со објавените решенија на комисијата,...

Македонија7 часа

Агенцијата за млади и спорт со владина поддршка ја презема организацијата на Охридскиот маратон

Агенцијата за млади и спорт соопшти дека со владина поддршка ја презема организацијата на Охридскиот маратон. „Како традиција, која Охрид и...

Економија8 часа

Дизелот поскапува за 2 денара, цените на бензините остануваат исти

Регулаторната комисија за енергетика и водни услуги на Република Северна Македонија донесе одлука со која се врши зголемување на малопродажните...

Македонија9 часа

Пецаков: Пливачите се револтирани бидејќи три години со ред не им е исплаќан награден фонд

Пливачите се револтирани бидејќи три години со ред не им е исплаќан награден фонд, обзнани градоначалникот на Охрид, Кирил Пецаков....

Македонија10 часа

Бугарското МНР ја охрабрува Комисијата за историски прашања да продолжи со работата

Министерството за надворешни работи во Бугарија ја поздравува досегашната активност на Мешовитата комисија за образовни и историски прашања меѓу Софија...

Македонија11 час

СДСМ: Деструктивниот Мицкоски сонува власт, избори ќе има во 2024 година и на тие ВМРО-ДПМНЕ ќе изгуби

Откако им пропаднаа сите обиди за блокада и дестабилизација на државата, Христијан Мицкоски и ВМРО-ДПМНЕ продолжуваат со деструктивното однесување на...

Македонија12 часа

За еден ден поднесени се над 50 барања за проценка на штети од невремето во Неготино

За еден ден поднесени се над 50 барања од граѓани кои претрпеле штети од невремето кое пред два дена го...

Свет12 часа

Конашенков предупредува: Украинците планираат артилериски напади на територијата на нуклеарната централа Запорожје од Никопол

Украина планира утре да изврши артилериски напади на територијата на нуклеарната централа Запорожје од Никопол, тврди денеска портпаролот на руското...

Македонија13 часа

Портокалова фаза во цела држава, се препорачува ослободување од работа на најранливите категории население

Министерството за труд и социјална политика ги повикува работодавачите, негувателите и воспитувачите во градинките, вработените во Центрите за социјална работа,...

Свет13 часа

Гори природен парк во Португалија, над 1.000 пожарникари го гаснат пожарот

Повеќе од 1.200 пожарникари учествуваат во гаснењето на големиот шумски пожар во португалскиот природен парк „Сера да Естрела“, кој се...

Свет13 часа

Тешка автобуска несреќа во Мароко – 23 загинати, 36 повредени

23 лица загинаа, а 36 се повредени во автобуска несреќа источно од Казабланка, една од најсмртоносните несреќи во Мароко во...

Свет13 часа

Советникот на Зеленски: Се подготвуваме за руски напад врз Киев на 24 август

Олексиј Арестович, советник на украинскиот претседател Володимир Зеленски, изјави дека Украина се подготвува за руски ракетен напад врз Киев, кој...

Економија13 часа

Масовни протести поради економската криза во Аргентина

Илјадници незадоволни Аргентинци го блокираа центарот на Буенос Аирес за време на насилните улични протести, барајќи од владата да ги...

Свет1 ден

Напаѓачот на Ружди: Прочитав неколку страници од неговиот роман, го нападна исламот

Хади Матар – напаѓачот на познатиот писател Салман Ружди рече дека го почитува ајатолахот Хомеини, но не сакаше да каже...

Регион1 ден

Сопственикот на автобусот кој се преврте во Бугарија доби 99 прекршоци и казна од 30.000 евра

Во врска со сообраќајната несреќа што се случи на автопат во Бугарија на 14 август, во која учествуваше автобус од...

Регион1 ден

Курти: Имаме јасна визија, сакаме членство во НАТО

Косовскиот премиер Албин Курти денеска во Брисел изјави дека Косово сака членство во воената алијанса НАТО. „Имаме јасна визија. Сакаме...

Регион1 ден

Вучиќ од Брисел: За Србија мирот и стабилноста се од клучно значење, утре ќе имаме тешки разговори

Претседателот на Србија, Александар Вучиќ е во Брисел и денеска се обрати на заедничка прес-конференција со генералниот секретар на НАТО,...