Daily news
Снежина Петрова од Бугарија „Актер на Европа 2017“, Гран при за „Анонимос Венис“ од Косово
Со доделувањето на наградите, синоќа, во прекрасниот амбиент во „Сарајот“ во Ресен заврши 15. јубилејно издание на театарскиот фестивал ,,Актерот на Европа 2017“, кој од своите почетоци до денес е репрезент на високите татарски вредности на современиот европски театар и мост за духовно зближување на трите езерски јазици во прекрасната Преспа – македонски, албански и грчки.
Жирито во состав: Мето Јовановски, доц. Лиљана Плевнеш, доц. Гоце Ристовски и Мартин Кочовски ги додели традиционалните награди.
Наградата Наум Манивилов Преспански, што се доделува во чест на големиот македонски поет, годинава ѝ припадна на претставата ,,Отворач за конзерви“ во режија на Стојан Матавуљ, од Народен театар Штип.
Наградата ,,Млада Европа“ ѝ се додели на претставата „Идиот“ од Букурешт, Романија, за колективната игра која плени со својот креативен дух на младите студенти.
Традиционалната награда што го носи името на легендарниот театарски деец Жак Лакариер, кој се вгради себеси во темелите на нашиот фестивал, годинава ѝ припадна на француско-грчката копродукција „Екстремофил“ во режија на Елизабет Мари. Наградата „Јавност“ за креативна, жива, комуникативна, актерска игра и исклучителна интеракција со публиката, со спектакуларна трансформација и игра која плени и воодушевува, се додели на монодрамата ,, Животот е лото“ во изведба на Моника Ромиќ. Почесната награда „Актер на Европа 2017“ за авторскиот проект „Поет за поетите – Момчило Настасијевиќ“ му се додели на Иван Перковиќ.
Престижната наградата Актер на Европа оваа година ја понесе Снежина Петрова, актерка од Република Бугарија за нејзината изведба „Не јас“ работена по мотиви на текстовите на Семјуел Бекет, додека Гран при за најдобра претстава во целина ѝ припадна на претставата од ИТИ Центарот за театар од Приштина, за претставата „Анонимос Венис“ по текст на Џузепе Берто, во режија на Дрита Беѓоли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.