Daily news
Новиот парламентарен состав цела година работеше со забавено темпо
Закажување, па откажување седници, гласање, па прегласување поради немање кворум, блокади и долги паузи по барање на десетте координатори на опозицијата беа честа појава во Собранието во последната година кога во собраниските клупи влезе овој парламентарен состав.
Од формирањето на новото парламентарно мнозинство донесени се едвај 20-ина закони и одлуки, а во процедура за носење се над 40 закони. Според ова, може да се каже дека овој парламентарен состав работел со најзабавено темпо досега. Новиот парламентарен состав почна 29, успеа да реализира 19 седници, а десет како незавршени се префлаат на агендата в година.
Најкарактертистично за овој состав беше гласањето за новиот јавен обвнител, кој беше избран од трет обид, кога конечно се обезбеди кворум. Собранието не успеа да ги донесе така што на агендата за в година се префрлаат пакет од десет закони за реформи во правосудството, потоа измените на законот за пушење, како и законот за употреба на јазиците.
Собранието за овој парламентарен состав нема издадено ниту една брошура „Мој пратеник“, така што нема прецизна статистика за видот на законите и особено за активностите на пратениците, односно кој колку бил присутен и активен во Собранието. Пресекот со активностите на парламентот излегува двапати годишно, односно на шест месеци, во јули и во декември. Собраниските служби информираат дека „Мој пратеник“ со сумирани активности за периодот јули-декември се очекува во првата половина на јануари, односно по празниците.
Инаку, за периодот јануари-јули Собранието не сумира податоци затоа што во овој период парламентот беше блокиран, односно конститутивната седница траеше речиси 5 месеци кога конечно на 27 април беше избран Талат Џафери за нов собраниски спикер. Практично, Собранието ефективно почна да работи од 1 јули кога беа формирани Владата и парламентарното мнозинство.
Од истите причини, но и поради организирањето на локалните избори во октомври, речиси цела година немаше седница со пратенички прашања. Досега се одржаа само две вакви седници, при што на втората во декември опозицијата не присуствуваше. Впрочем, опозициската ВМРО-ДПМНЕ од 6 декември не учествува во работата на Собранието поради притворот на шест нејзини пратеници осомничени за учество во настаните од 27 април.
Отворено прашање за овој парламентарен состав останува и изборот на потпретседатели на Собранието. Ова прашање никако да дојде на дневен ред. Единствено, се знае дека парламентарното мнозинство предложи да има пет потпретседатели, а опозицијата се изјасни дека нема да ги гласа затоа што, според неа, доволни се двајца или тројца потпретседатели.
Во новата 2018 извесно е дека ќе има и ново парламентарно мнозинство кога вчера „Алијансата за Албанците“ излезе од Владата. Со ова партиите на „Алијансата“ преминаа во опозиција. Во новата година ќе се знае и дали во власта ќе влезе ДПА, која има исто така двајца пратеници, но и дали правецот ќе го сменат пратениците Чедомир Саздовски, кој од ГРОМ премина во независни, и Амди Бајрам, кој ја напушти коалицијата предводена од ВМРО-ДПМНЕ.
Г.Д.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.