Daily news
Од остров на копно кон остров на море – културно поврзување Македонија, БиХ и Хрватска
Неодминливо прашање до македонските писатели беше врзано за актуелната политичка состојба во Македонија, за која сите се согласија дека новата реформска влада треба да создаде простор за демократизација на општеството и департизација на институциите, а особено да се отвори простор во културниот сегмент и слободата на медиумите, кој е од особен интерес за писателите и новинарите.
Во искучителна атмосфера, со желба за соработка и културна размена, протече средбата на хрватскиот остров Зларин, во текот на минатиот викенд, каде ѓто се одртжа меѓународната средба на независни писатели и новинари.
„Од остров на копно, кон остров на море“, каде во фокусот на дискусиите беше тематскиот комплекс врзан за корелацијата на писатели и новинари, нивните допирни точки и аналогните искуства во перцепцијата на книжевноста и новинарството.
Групата независни писатели и новинари од Македонија, Босна и Херцеговина и Хрватска, кои учествуваа на настанот, се согласи околу т.н. заеднички именители кои ја генерираат кризата во овој чувствителен дискурс, а тоа е политиката и парите. Односно дека и писателите и новинарите тешко живеат од својата професија.
Посебно внимание предизвикаа обраќањата и дискусиите на авангардните македонски писатели Давор Стојановски, добитник на наградата Роман на годината (2016), Петар Андоновски, Роман на годината (2015) и Фросина Пармаковска. Тие со колегите Ренато Баретиќ, Звонко Варошанец, Динко Шкевин, Никола Шимиќ Тонин, Жаклина Кутија, Иван Добра, Бранка Рупиќ, Душка Крњиќ – Хрватска, Игор Божовиќ, Емир Имамовиќ Пирке и Глорија Кришто – БиХ, разменија искуства, дискутираа за својата работа и проблемите со кои се соочуваат.
Од 2014 година се одржуваат овие меѓународни средби секој мај, во организација на невладината организација „Хрватско-македонска тангента“, а како што истакна нејзиниот претседател, Сашо Георгиевски, од идната година настанот ќе биде проширен со учесници од Австрија, Словенија и Бугарија.
Во својата поздравна порака хрватскиот министер за туризам, Гари Капели, особено ја нагласи димензијата на т.н. културен туризам, кој Хрватска, Македонија и БиХ вистински го препознале со организирање вакви настани од регионален културен значај.
И секако, неодминливо прашање до македонските писатели беше врзано за актуелната политичка состојба во Македонија, за која сите се сложија дека новата реформска влада треба да создаде простор за демократизација на општеството и департизација на институциите, а особено да се отвори простор во културниот сегмент и слободата на медиумите, кој е од особен интерес за писателите и новинарите.
Голем интерес и внимание предизвика читањето на делови од книгите на авторите, за кои имаат добиено награди и признанија. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.